Bertsos - View details To know more about this section
Bizio baten gainean [Bertsoa] / Baptiste Curet
Bizio baten gainean [Bertsoa] / Baptiste Curet
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
I
Bizio baten gainean noha kantatzerat
Sujetak emanik garbiki mintzatzerat,
Guziak zatozte unen iguntzerat,
Entsaiatu behar dugu errotik kentzerat.
II
Bizio guzien ama alferkeria,
Ortarik ageri da zoin den igungarria,
Lehen erran dute zaharrek egia,
Hori izanen dela hainitzen galgarria.
III
Alferkeriak baitu ainitz bizio,
Garbiki erraiteko kapitalak oro,
Gure ganat jin gabe otoi urrun ago,
Betiko iguntzia ainitz du balio.
IV
Hau da bizio gaxto aborrigarria,
Noiz eztituko da hire egarria,
Gaxtakeria den iturri andia,
Etsaiaren partetik unat etorria.
V
Alferrak bilatzen du beretzat aisia,
Lana guti egin nahi du irabazia,
Bertzen onez baitu beti jelosia,
Igungarria baita orien bizia.
VI
Bizio hau dubenak zer da pentsatzen
Beti kurri dabila inozent enganatzen,
Pozoin eztiki dubelarik edatzen
Propheta bat bezala badaki mintzatzen.
VII
Alferra ibiltzen da beti pasaietan
Bere lagunekin merkatu orietan,
Beti diruba gasta irritz lorietan,
Laster ageriko da horien etxetan.
VIII
Hauen erretiratzeaz orai mintzatzeko
Nonbeitik heldu dire gaubaren erdiko,
Biharamunian egia erraiteko
Buruko mina dute lanari lotzeko.
IX
Biharamuneko horien kontuba
Hamarretan ohean buruba lotuba,
Emaztia haurrekin penetan hurtuba
Senarra ere aldetik irritz urratuba.
X
Holako familetan ez da faltatuko
Dituzten erresurtxak laster haizatuko,
Gero azkenian zer da gertatuko,
Neguba pasatu gabe Betiri dantzatuko.
XI
Guardia emazube Betiri sartzetik,
Ezin kasatuba da sekulan etxetik,
Gerla egin behar zaio berari gohotik,
Maite du ibiltzia alferren ondotik.
XII
Zonbat arrazoin dugun lana maitatzeko,
Bizio gaxto ori betiko inguntzeko,
Alferrak gauz onik ez egia erraiteko,
Beti presatuba da trankil egoiteko.
XIII
Abisu emaiten diot jende gaztiari,
Ihes egin dezola alferkeriari,
Gazte danik lanean behar dela hari,
Gero izaiteko burasuan kontsolagarri.
XIV
Lagunak hari gaiten gogotik lanean
Pausatuko gare igande egunean,
Egin ura pasa jaunaren legean,
Ez da sobra izanen azken orenian.
XV
Lana da mundu untan jaunak ordenatuba,
Gure lehen burasuek penitentziaz artuba,
Biek jan baitzuten fruitu debekatuba
Gero izatu ziren lanerat kendubak.
XVI
Geroztik segitzen du lanak gure artian,
Gizona hartan dago trankilitatian,
Kondatu nahi badu esperantzaren gainean
Alferkeria igun munduban dagon artean.
XVII
Bizio hau dela kausa ainitz hautan,
Zenbat pena pasatzen den gan den denboretan,
Dirubak ateratu intresian notarietan
Gero dire kontubak pagatzeko denboretan.
XVIII
Denbora jin denian intresa egiteko,
Nondik ezin paga ez da estonatzeko,
Sarjanta etxerat kuraia artzeko
Berriz etorri gabe otoi pagatzeko.
XIX
Beldur izan zaitezte bizio gaxto orri,
Batzuben sorte bererat ez zaitezten erori,
Beriak garbitu eta bertzetan bordari,
Alferraren fruitubak ez dire ageri.
XX
Alferra urguilusa da, ez da dudatzeko,
Zer nahi eginen du ungi bestitzeko,
Artua edo ogia sal moda segitzeko,
Hai zer segida ona etxia altzatzeko.
XXI
Ederki beztitzerat ekarriak dire,
Modaren segitzeko badute kuraie,
Aberats hala pobre ez dire seinale,
Hainitz geldituko da senarrikan gabe.
XXII
Hainitz gertatzen da erri haukietan
Nola ibiltzen dire bisita alferretan,
Elkarri berri kondatzen bazter guzietan,
Parte guti arturik auzoko nahi gabetan.
XXIII
Ez zaiote bekatu ola ibiltzia,
Denboraren erdia alfer pasatzia,
Nola ote dute ber sukaldia,
Ez bide da beti zilarra bezin garbia.
XXIV
Obeki eginen dute etxean egitia,
Pasaietak utzirik lanari lotzia,
Ungi pena dut bada ola mintzatzia,
Barkatu beraz, otoi, ene hausartzia.
XXV
Bizio unen kontra nintzen abiatu,
Ene neke izerdiz beti gudukatu,
Orai adio erranik nahi du kitatu,
Eskual errietarik betiko kasatu.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/