Bertsos - View details To know more about this section
Xori Ohatzea [Bertsoa] / Jean Baptiste Larralde "Dr. Larralde"
Xori Ohatzea [Bertsoa] / Jean Baptiste Larralde "Dr. Larralde"
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
I
Haurra, zer ari zare,
Sasian sorthua,
Progotxurikan gabe,
Lapharrek zaurthua?
Amak bere umendako
Luze egin egoitza,
Atseginez hausteko
Non duzu bihotza?
II
Adi zazu nigarrez
Xori gaixo hori,
Umeak har beldurrez.
Oihuz dago zuri,
Ama bat baduzula
Othoi, orhoit zaite,
Eta deus ez duela
Zu bezenbat maite.
III
Zertako nahi duzu
Guziz, alferretan
Dolu mina hedatu
Oihan guzietan?
Dolu gose bagare
Helas! naturalki
Geronek deithu gabe
Nork ez du bada aski?
IV
Bainan, barne gabea,
Hots zure lanari!
Zer da bada galtzea,
Diozu, lau xori?
Bihotzak ez badautzu
Erran: bai, gaizki da!
Amari galde zozu,
Doluz hil ez bada!
V
Munduan, deusik egin,
Gizon, ez dukana,
Ez bederen desegin
Jaunak egin lana;
Egilea, bakharrik,
Duk gauzen nagusi,
Ez dukala dretxorik
Behar duk onhetsi.
VI
Jaunak eman lekhua
Gauza guzieri
Ungi da hautatua,
Ez deus handik higi,
Utzi, beraz, loreak
Beren baratzetan,
Xorien ohatzeak
Utzi sasietan.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/