Bertsos - View details To know more about this section
Kanta berria haur hatzeman baten gainean [Bertsoa] / Baptiste Curet
Kanta berria haur hatzeman baten gainean [Bertsoa] / Baptiste Curet
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
I.
Nigarretan sortu naiz nigarrez hiltzeko,
Ez ordean lurrean luze bizitzeko,
Munduak izanen du hainitz erraiteko,
Aita ama maiteak zuen biendako.
II.
Aita ama maiteak mundurat zertako
Eman izan nauzuen zorigaitz huntako,
Nik ez nuen hobenik hola tratatzeko,
Federik eman gabe abandonatzeko.
III.
Mundurat sortu eta hirur oren gabe
Berro baten hegian gaxua eman naute,
Bakarrik hemen nago xoriak haurride,
Ene konpainiatzen kantuz hari dire.
IV.
Ene sortea baita, pena eman garri
Auhenetan bainago bildotx bat iduri,
Horra dut sehaskatzat zerua estalki,
Norena ere naizen Jainkoak badaki.
V.
Lur hotzaren gainean sortu naizeneko,
Jaberik gabe hemen ni ez naiz biziko.
Hiltzerat heldu banaiz ez naiz zerurako,
Federik ez duenak ez da han sartuko.
VI.
Goizeko alban naute ni hemen pausatu
Geroztik iduskia gainetik pausatu,
Ez ahal naute behar norbeitek altxatu,
Aitarik ez dut eta amak nau etxatu.
VII.
Ama bihotz gabea Aita zu iduri,
Zori gaitzez nauzue eman munduari,
Barka zozute Jauna hoben handi hori,
Othoitz eginen zaitut orai eta bethi.
VIII.
Iduzkia zenean zeruan aphaldu
Andere gazte bat zait aldean pasatu,
Aingeru bat nintzela zenean ohartu
Amultsuki ninduen besoetan hartu.
IX.
Zato enekin, zato aingeru maitea,
Dolugarri liteke zu hemen hiltzea,
Bozkario enetzat zatoz jabetzea,
Erakutsiko zaitut zeruko bidea.
X.
Desagertu zenetik biharamunean
Jauna deitu izandu adin ederrean,
Haurra orai ez dago deusen inbidian,
Aingeruekin dago zeruko lorian.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/