Bertsos - View details To know more about this section
2013-05-03 Hendaia Jaialdia [Bertsoa] / Miren Artetxe, Odei Barroso, Sustrai Colina, Alaia Martin
Bertsoa entzun |
2013-05-03 Hendaia Jaialdia [Bertsoa] / Miren Artetxe, Odei Barroso, Sustrai Colina, Alaia Martin
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
O. Barroso
Facebooka nola nahiko
kontu berria zen
ni ere hasi nintzen
sare hortan sartzen.
Sustrai ez zaite hasi
nerea zapaltzen
ni izan nintzen lehena
hauekin ligatzen. (bis)
S. Colina
Biktimarik ez bada
ez da errudunik
ez da Facebookik pasa
gabeko egunik.
Beste inorentzako
ez dut maitasunik
aizu Odei zurekin
ligatu nahi dut nik. (bis)
A. Martin
Odeirekin ligatu nahi
dugu hainbestek
agian lortuko du
noizbait baten batek
bihotz handia dauka
ta lortu dezaket
bihotzetik hirurak
atsegin zaituztet. (bis)
M. Artetxe
Sustrai ta Alaiak behintzat
nahikoa beltz dute
ze nik ere Barroso
neretzat nahi nuke.
Ligatzat daramatzat
jadanik bi urte
“Atsegin dut” emanaz
“Atsegin dut” truke. (bis)
O. Barroso
Nik ere atsegin zaitut
Miren berdin-berdin
Alaia eta Sustrai
zuek nahi ta ezin.
Nahiz konformatzen nintzen
ni bakar batekin
orain hirurek nahi al
dute Odeirekin? (bis)
S. Colina
Odeik bihotza egin
digu mila zati
baina ahaztu ditut kleenex
eta muxuzapi
zuekin ere prest nago
jatorrak izaki
iritziz oso errex
aldatzen dut beti. (bis)
A. Martin
Ikusi dut harreman
batean zaudela
eta beste batera
pasatua bela
ta Odei erakargarri
goxo ta itzela
batzutan pentsatzen dut
birus bat zarela. (bis)
M. Artetxe
Edozein onartzen dut
inork nahi ezkero
tranpan eroria naiz
Facebooken bezero.
Mundu postmodernoan
ez besteik espero:
lagunak larehun ta bost
txortaldiak zero. (bis)
O. Barroso
Polita txortaldien
zure parabola
baina horrekin erraz
galtzen da kontrola.
Facebook kontu hauekin
ikusi dut hola
nor ligatu ez dakien
gehiegi dagola. (bis)
S. Colina
Esker txarreko hiru hauek
alboan lagata
ni Elortzarengana
noa tipi-tapa:
klaseduna, sutila
dandi baten planta
gainera modernoa
Twitterra dauka ta. (bis)
A. Martin
Dandiarenak hola
sortu dit algara
ze desberdina dugun
gure begirada.
Nik ligatu egin nahi dut
ta beti ahal bada
hiru perfil sortuak
ditut badaezpada. (bis)
M. Artetxe
Hiru perfil jo neska
zuk duzu gogoa!
Sare sozialen kontu
hau ez da sanoa.
Odei harrapatzeko
alda dut asmoa:
Sustraik pista eman dit
Twitterrera noa. (bis)