BDB Bertsolaritzaren datu-basea

General information

Kategoria

Bat-batekoa

Periodical Performance (Saioarena)

Kabigorriko Bertso Gauak (2. 2014-2015. Irun)

Performance

2015-01-08 Irun Jaialdia

Conductor

Aizpurua, Karlos

Bertsolaris / Authors

Martin, Jon

Exercise

Bakarka gaia-emanda

Proposed topic

Abenduaren 24a da eta gaur ere bakarrik zaude. Dagoeneko hiru talde pasatu dira zure ataritik Gabon kantak kantatuz eta ez diezu aterik ireki. Orain, laugarrena dator, gu guztiok osatzen duguna, eta hasi gara kantatzen. Eta ez dakizu aterik ireki edo ez.
“Hator, hator mutil etxera...” (entzuleak kantuan hasten dira)

Description

Melody

Arratsalde on ta aupa zuek

Stanza name

Hamaikakoa, handiaren moldekoa, 6 puntuz (hg) / Sei puntukoa, handiaren moldekoa (ip)

Bertso kopurua

3

Localization

Localization

XDZ - Xenpelar Dokumentazio Zentroa

Collection / Fond / Project

Bapatean Bilduma

2015-01-08 Irun Jaialdia [Bertsoa] / Jon Martin

Stanza name:  Hamaikakoa, handiaren moldekoa, 6 puntuz (hg) / Sei puntukoa, handiaren moldekoa (ip) 
Localization:  XDZ - Xenpelar Dokumentazio Zentroa 

---

Abenduaren hogeita laua
egun handien pareko
izendatu zen eta geroztik
agintzen da ospatzeko. (bis)
Nik haurtzarotik rekuerdo txarrak
pilatuak dauzkat lepo
ama ta aita banandu ziren
bikote askoren antzeko
ta etsi nintzen konpleto
batari ezetz esan behar diot
besteai “bai” esateko. (bis)

Garaitsu hontan pasa zen eta
errexa zait gogoratzen
hori dela ta Gabonak inoiz
ere ez ditut ospatzen. (bis)
Baina taldeak hurbildu dira
lehen haur talde bat bazen
orain talde bat etorria zait
tinbrea jotzera. Goazen!
Ta hasi dira kantatzen.
Denak etortzen zarete baina
inortxo ez da geratzen.(bis)

Ate ertzean belarria prest
eta entzuna dut adi
ta azken notan ireki egin dut
baneuzkan duda ugari. (bis)
Dirua eta irriparre bat
eman dizuet opari
eta dexente kostatzen zaio
aspaldi galdu zunari.
Begira paradoxari:
gaur kantatzera etorri eta
neuk bukatu dut kantari. (bis)