Bertsos - View details To know more about this section
2016-04-23 Aramaio Berezia [Bertsoa] / Beñat Gaztelumendi
| Bertsoa entzun |
2016-04-23 Aramaio Berezia [Bertsoa] / Beñat Gaztelumendi
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Astebetean eduki degu
zer esan, zer kontatua
bertsolaritzak beti behar du
lur batean kokatua.
Baina erokeri hau behin genuen
halaxe proposatua
ta astebete luzean degu
ikasi ta gozatua
mundu handi bat badela baina
mundu txikiz osatua.
Arratsaldero ez dira berdin
berotu gure polborak
hala’re neurri askotan egin
ditugu gure aprobak.
Aste honek zer ematen duen
esango digu denborak
nik hala ere hau izan dela
esateko dauzkat frogak
aldi berean indartze bat ta
umiltasun lezio bat.
Mundua esaten diogun hori
norantza edo non doa?
Berdina al da hitzen azpian
ezkutatzen den hondoa?
Bertsolaritza da mundu hauek
ikasteko metodoa
eta nik daukat behin bukatuta
oraingo aste zoroa
oraindik ere mundu gehiago
ezagutzeko gogoa.