Bertsos - View details To know more about this section
2017-10-07 Zalla Txapelketa [Bertsoa] / Onintza Enbeita, Jone Uria Albizuri
| Bertsoa entzun |
2017-10-07 Zalla Txapelketa [Bertsoa] / Onintza Enbeita, Jone Uria Albizuri
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
On. Enbeita:
Goizean goizez zabaldu eta
albistegiko ateak
munduan dira gauza on gutxi
gehienak disparateak
ez dakit diren inbidiaren
ondoriozko kalteak
baina amorrua ere ematen dit
Katalunia esateak.
J. Uria:
Donostiako zinemaldiak
nahiz ta baduen osperik
ia hori ere ezin aipatu
ta nola ez egon tristerik.
Arrazoi duzu nahiz lehen geneukan
bestelako albisterik
azken asteetan ez dugu aipatu
Katalunia besterik.
On. Enbeita:
Gidoia eginda kafe makinan
gaude bikote formala
beste andra bat hil omen dute
zerrenda ez da normala.
Editoreen kontra goazen
oraingoan nola hala
guk biok behintzat ez dugu esango
ustezko hilketa dala.
J. Uria:
Nahiz eta hori esaten duten
hamaika egunkaritan
holako gaiak ere atera
zaizkigu mila alditan.
Ez dela ustezko esango dugu
eta gainera egitan
zerbaiterako esnatzen gara
goizeko hiru t´erditan.
On. Enbeita:
Egia esan albistegian
badago berez zer aipa
eta hor goaz teletipoen
atzetik biok jarraika
baina lanpostua aldatzeko edo
eskatu behar dut nahita
kirol tartean gure iritzia
ematea libre baita.
J. Uria:
Kirol munduan iritziarena
gerta liteke arraro
horretarako nahiz ta baduzun
berez nahikoa descaro
nahiz eta beti ibiltzen garen
futbol kontuen esklabo
lasai Onintza aste honetan
jardunaldirik ez dago.