Bertsos - View details To know more about this section
Bertso berriak Segurako itsuak eta bere andreak elkarri jarriak [Bertsoa] / Manuela Etxarri, Joakin Luzuriaga "Segurako Itsua"
Bertso berriak Segurako itsuak eta bere andreak elkarri jarriak [Bertsoa] / Manuela Etxarri, Joakin Luzuriaga "Segurako Itsua"
Stanza name:
Zortziko txikia (hg) / Lau puntuko txikia (ip)
Dokumentu-mota:
Liburua
Argitalpen data:
1874-08-04
Localization:
XDZ - Xenpelar Dokumentazio Zentroa
1/
[Joakin Luzuriaga:]
Segurako itxuak
bere andriari
pensatu du jartzia
bertso bat edo bi;
bañan esan dutenez,
gauzak badiruri
ordañak bialduko
dizkala berari.
2/
[Manuela Etxarri:]
Itxuaren andriak
orra crrespuesta,
ordañak bialtzia
etzait asko kosta:
paperak saldutzeko
jarri zagun festa,
bestela sakelian
txanponikan ezta.
3/
[Joakin Luzuriaga:]
Andria daukat
bizi-modua sortzeko,
bañan eztu baliyo
paperak saltzeko,
ezta ere bertsuak
sustantziz jartzeko;
ai zer alibiyua
txanponak artzeko!
4/
[Manuela Etxarri:]
Segurako itxua
ernegatzen dago,
eztala gauza diyo
andria geiago;
nonbait gaztiagua
ni bañon naiago,
oraiñ bestien billa
asi dala nago.
5/
[Joakin Luzuriaga:]
Ederra bota digu
oraingo ditxua,
bañan etzait ajolik,
artzen det petxua;
gaztien billa asi
zaiola itxua,
errezelo txarrian
jarri da atxua.
6/
[Manuela Etxarri:]
Klaro esango diyot
oni beriala
errezelo txarrikan
ortan ez derala;
artu naiagatikan
gaztiekin gala,
nik eztet uste iñor
onen zale dala.
7/
[Joakin Luzuriaga:]
Andre leiala daukat,
ni fijo natzaio:
au baño oberik
ezta neretzako jaio;
itxua ere ongi
portatuko zaio,
zurrutarentzat diña
ematen bazaio.
8/
[Manuela Etxarri:]
Juan dan egun batian
koleran dit esan:
duro bat plantatzeko
zurrut egiñ dezan;
jakiñ izan banuen
au nolakua zan,
egundaño nerekiñ
ezkonduko etzan.
9/
[Joakin Luzuriaga:]
Jolas onekiñ
beti demandan gabiltza,
atso guziyak ere
burlaka dabiltza;
denbora juan onduan
orrenbeste itza;
pozik ezkondu ziñan,
alferrik zabiltza.
10 /
[Manuela Etxarri:]
Sagardotegirako
onek daukan griña,
astelenetan egun
guziya jakiña;
klaro esan biar det
nik daukadan miña:
iñola eziñ sortu
onentzako diña.
11/
[Joakin Luzuriaga:]
Astiartian egun
guziya kantatzen
andik aurrera ere
eztiyot faltatzen;
orrengatik korputza
nik alimentatzen,
lana franko bestela
orla aguantatzen.
12/
[Manuela Etxarri:]
Zenbat baso sagardo
eraten zituen
erreparatutzeko
asmuak nituen;
egun artan iya bost
pitxar bazituen,
arriturikan nago
non sartzen dituen.
13 /
[Joakin Luzuriaga:]
Galduko lizkirake
milla bat kreditu,
gezurrik esan gabe
ainbeste banitu;
baldin nai badezute
egiya aditu:
pitxar bat eran ta bost
kontatutzen ditu.
14/
[Manuela Etxarri:]
Begira zaiozute:
au gilbor aldia!
gobernatutzen dala
badu siñalia;
orrela esateko
ezta ain jalia,
bañan beti mokadu
onaren zalia.
15/
[Joakin Luzuriaga:]
Egiya esango det,
gañera arrazoiz:
berak maiz jaten ditu,
neretzako iñoiz;
alimentua fiña biat
zenbait sasoiz,
eskatzen diyot bañan
eman eztakit noiz.
16/
[Manuela Etxarri:]
Goizero baso bat ur
esponjaz nastuta,
gañera bi kopatxo
berari ustuta;
bestela plantatzen zait
kopeta beztuta,
ain da atrebidua
lotsarik eztu-ta.
17/
[Joakin Luzuriaga:]
Ebilli gabetanik
emen farragarri,
obe luke ixildu,
orra esan garbi;
koleratzen erraza
nago izugarri,
gitarra lertuko det
anka-pian sarri.
18/
[Manuela Etxarri:]
Zerbait esanagatik
elkarren artian,
okasiyorik gabe
konpondu gaitian;
bañan gitarra laja
ezazu pakian,
baldin austen badezu
zeretzat kaltian.
19/
[Joakin Luzuriaga:]
Orra emeretzi bertso
eta milla grazi,
elkar estimatuaz
nai genduke bizi;
txanpon bana paperak
artuta ikasi,
ontatik biar degu
zerbait irabazi.
Iturria: Zavala, Antonio. "Pastor Izuela (1780-1837); Ezkioko eta Segurako itxuak". Tolosa: Sendoa, 1971. Auspoa liburutegia; 106. 136-142 or.
Interneten: https://www.euskaltzaindia.eus/dok/iker_jagon_tegiak/auspoa/10662.pdf ]