Bertsos - View details To know more about this section
Amerikarat partitzen direnen zorigaitza [Bertsoa] / Jaureguiçahar d'Arbouet
Amerikarat partitzen direnen zorigaitza [Bertsoa] / Jaureguiçahar d'Arbouet
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
I
Eskaldun bihotz kharaua
Uzten duzu sor-lekhua
Hautatzeko desterrua
Ontsa pagatuz dukezu jakin
Zer den berankor dolua,
Zenbat den fontsez itsua
Arhinki kontzebitua
Eginik duzun botua.
II
Amerikan ez da sartzen
Non ez den hainitz gostatzen,
Asko pena kharreatzen
Zuretzat ez den tresora gatik
Lehenik zare pobretzen,
Dituzun oroz gabetzen,
Zuhurki duzu phentsatzen,
Kasi zare aberasten.
III
Han balitz ez den tresorik
Ez lauke luzaz gorderik
Zokhoetan erdoildurik,
Aberasteko zakharrekin
Mundu bat han da bildurik
Ez izanez enplegurik,
Pobreziak iretsirik,
Ezin eginez bertzerik.
IV
Neskatxa notha gabea,
Konbeni zaizu uztea,
Harturik duzun xedea,
Zure damutan ikhas ziniro,
Indietako bidea,
Galduz geroz ohorea
Berthutearen lorea
Zer da zure izatea.
V
Ez sinhets hango berririk,
Itxuraz daude xuririk,
Artharekin aphaindurik,
Han ez bertzetan ez du zeruak
Uzten urrhezko uririk,
Ez lurrak hazten zilharrik,
Sentitu gabe nekherik
Ez da nehon bizitzerik.
VI
Ikhusiz eta entzunez
Mintzo nauzu fide zinez,
Kontseilu onak emanez,
Zure herria lehenka zazu
Zuzenki bethi egonez,
Orori ongi eginez,
Langile zuhur izanez
Gaindi zare ontasunez.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 212 or.
http://hedatuz.euskomedia.org/4008/