Bertsos - View details To know more about this section
Gerlako presonier bat [Bertsoa] / Piarres Ibarrart "Bettiri"
Gerlako presonier bat [Bertsoa] / Piarres Ibarrart "Bettiri"
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
I
Eskal herritto bat da nere sor-lekhua,
Gerletara xorthetik izan niz deithua,
Prusiano etsaiez han preso hartua,
Nahi duten lekhua hetaz gidatua,
Sei hilabete osoz heien menekua. (bis)
II
Hain urrun eman naute, lekhu arrotzetan,
Pietaterik ez da heien bihotzetan,
Abre batzu bezala heia zokhoetan,
Berogarririk gabe neguko hotzetan,
Goseak hil urrana izan niz bortzetan.
III
Ez nuen aita ama on heien berririk,
Hesturetan nindagon hetaz orhoiturik,
Ez ikhusten mendirik, ez uda lilirik,
Othe daite munduan hain lekhu tristerik,
Frantzia! oh! Frantzia! hik ez duk parerik.
IV
Hainbertze sofriturik jena da orena,
Ene herri maitera hurbiltzen naizena,
Argi haste eder bat, igande eguna,
Aspaldian Jaunari galdatzen nuena,
Orai akhabatzen da ene bihotz mina.
V
Iguzki arraioak hai dira altxatzen,
Primadera loreek usaina botatzen,
Nere herri ttipiko eliza agertzen,
Izkilak jo du eta jendea da biltzen,
Ahaide, adiskidek naute besarkatzen.
VI
Nere etxe maitean orduan sarthurik,
Aitaren besoetan eman naiz lehenik,
Ez egin, ama ona, ez othoi nigarrik,
Altxa zazu burua, ez da zorigaitzik,
Zure seme bakharra hemen naiz bizirik.
VII
Berri hori, maiteak, entzun zuenian,
Aingeru bat bezala sarthu zait etxian,
Nik eman seinalea oraino erhian,
Hain fidel egotua denbora guzian,
Laster ikhusiko dut ene saihetsian.
VIII
Bake goxo eztiaz orai naiz gozatzen,
Aspaldian jaunari bainuen galdatzen,
Jainkoari diozkat eskerrak bihurtzen,
Eta bihotz guziaz grazia eskatzen,
Guzier osagarri eman dezazuen.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 264 or. http://hedatuz.euskomedia.org/4008/