Bertsos - View details To know more about this section
Kantari bat [Bertsoa] / Piarres Ibarrart "Bettiri"
Kantari bat [Bertsoa] / Piarres Ibarrart "Bettiri"
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
I
Eskal herri ederra nere sor-lekhua!
Hemen ikhusi nuen lehenik mundua.
Nahiz handitarik ez naizen sorthua,
Jaunak aberaski nau emanez kantua.
II
Argia urratzean goizetan jaikirik,
Jainkoa othoizten dut belhaunikaturik,
Othoi ez dezan igor zorigaitz ilhunik
Nere kantua ixil ahal dezakenik.
III
Nor da aski aberats gizonen artean
Ni bezain urus denik lurraren gainean,
Kantuz eta lanean umore onean,
Jainkoa zerbitzatuz bihotza bakean.
IV
Itzal ilhun zenbaitek nautenean hartzen
Kantuaren medioz ditut aldaratzen,
Zorigaitzen lekhuan zoriona sartzen,
Oinhazerik minena bihotzetik khentzen.
V
Nere deskantsuaren hartzera gan eta
Ardura entzuten dut errexinoleta.
Kantarien errege, kanta zazu, khanta,
Zuk gauaz, nik egunaz ez gaitezen trixta.
VI
Handiak itzaletik dagozi begira,
Berantesten dutela kanta eder hura,
Bihotzetik ilkhia heien bihotzera,
Erdizkatzen diotet nik dudan plazera.
VII
Xahar ile xuritu, hezur gogortuak,
Adinaren phisuaz bihotz gabetuak,
Haiek niri xorta bat, nik haier kantuak,
Gazteturik deruzkat irriz lehertuak.
VIII
Urzo begi urdin bat mendian sorthua,
Ihiztariek ezin saretan sarthua,
Egin diot urzoen biltzeko kantua,
Orai aldean daukat ongi lakhetua.
IX
Kanta hunen gudua, huntan dut utziko,
Eta gure jaun ona bethi othoiztuko,
Beretzat hauta gaitzan eternitateko
Aingeru guziekin kantuz haritzeko.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 273 or. http://hedatuz.euskomedia.org/4008/