Bertsos - View details To know more about this section
Bertso barriak euskaldun batek jarriak [Bertsoa]
Bertso barriak euskaldun batek jarriak [Bertsoa]
Stanza name:
Zortziko txikia (hg) / Lau puntuko txikia (ip)
Dokumentu-mota:
Bertso-papera
Argitalpen data:
1910-00-00
Localization:
XDZ - Xenpelar Dokumentazio Zentroa
Sasijak sortzen dira
Solo ederretan,
Nekazari alperrak,
Ba-dabiltz euretan,
Eta gauza onari
Itxi ez ernetan.
Irudi auxe dogu
Euzkadi onetan.
Batzuk dira zurijak,
Beste batzuk baltzak,
Danok be alkarrenak
Bai-daukiez antzak.
Ganetik lorea eder,
Azpitik arantzak.
Ikaratute nauke
Oingo aldakuntzak.
Karlista ta liberal
Lenau alkar ilten,
Odol-errekartian
Zirian ibilten.
Masoyak zirala-ta,
Eutsien ekiten,
Ta oin bijak alkarri
Dautse lagun-eiten.
Euzkelerriko gure
Foru zarren aldez
Ebiltzazalakuan
Egunez ta gabez,
Amaikatxu euzkeldun
Atzipetu dabez
Bastarrak ondatuten
Ibili diradez.
España baño Euzkadi
Milak urtegiño
Zarrau ixanda umetzat
Daukie ondiño.
Nik eztot ikusi, ba,
Orain-arteraño
Alaba zarragorik
Beren ama baño.
Gixonak eztau biar
Itz onik ukatu.
Guzurre esan baño len
Ixilik geratu.
Ekandu txarrak itxi
Ta onai oratu
Gura dabenak egiz
Euzkadi goratu.
Len euzkeldun karlista
Zintzuak ziranak
Euzko-abertzaletu
Ein ziran geyenak,
Ta guk anai-artera
Etorten diranak
Besuak zabaldurik....
Artzen doguz danak
Euzkotar izan gaizan
Bijotz, gogo ta adin:
Itzel abertzaliak
Eikerakaz bardin,
Ixan zan legez gure
Irakasle Sabin,
Nahi bogu zorijona
Jaritxi Euzkadi'n.
Bertso barriak euskaldun batek jarriak [Bertsoa]
Stanza name:
Zortziko txikia (hg) / Lau puntuko txikia (ip)
Dokumentu-mota:
Bertso-papera
Argitalpen data:
1910-00-00
Localization:
XDZ - Xenpelar Dokumentazio Zentroa
Ikusi dokumentuak:
| xdz5_btx_001233.tif |