BDB Bertsolaritzaren datu-basea

General information

Kategoria

Bat-batekoa

Performance

2022-03-05 Donostia Jaialdia

Conductor

Berriozabal, Maite

Bertsolaris / Authors

Alkaiza, Saioa

Exercise

Bakarka gaia-emanda

Proposed topic

Hemen ikusten duzuen obra hau, Mari Puri Herreroren Sobresalto a los campistas da. Euskal Herriko bilduma publiko guztietan lanak dituen arren eta izen ezaguneko artista izanda ere, aurten ospatzen da Mari Puri Herrerok museo batean egindako azken banakako erakusketaren hogeita hamabosgarren urtemuga. Hain zuzen ere, 1986an egin zuen Bilboko Arte Ederretako Museoan. Euskal artearen berrikuspen historikoa behar dela aldarrikatzen da. Birpentsatu egin behar dira museoetako erakusketak. Programazioa berrikusi egin behar da. Zergatik ez egin Txillidaren ordez Mari Puri Herreroren obrak erakutsiko dituen erakusketa bat? Zu amarekin etorri zara gaurko erakusketa ikustera. Zure ama etxean gogoratzen duzu umetatik margotzen. Beti arteaz interesatuta eta denbora tarte bat zuen bakoitzean, pintzelarekin hara eta hona ideiak hartuz, margotuz. Eta berak izan zuen erakusketaren berri eta esan zizun “Saioa joango gara? Lagunduko didazu? Ikusiko dugu?” Eta sartu zarete erakusketan eta badaramazue 40 minutu. Zu pixka bat nekatu zara eta eseri zara ertz batean eta zure amak obraz obra, ertzez ertz, testuz testu, jarraitzen du erakusketa ikusten. Eta hortxe zaude zu apur bat nekatuta, ertz batean eserita, zure amari begira.

Description

Melody

Lo hadi ainguria

Stanza name

Zortziko txikia (hg) / Lau puntuko txikia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Bapatean Bilduma

2022-03-05 Donostia Jaialdia [Bertsoa] / Saioa Alkaiza

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

---

Kuadroak paretean
daude dindilizka
berdea ta urdina
horia, gorrixka.
Ta amak iltzatuta
du haiengan bista
eta haren barnean
gorderik artista.

Zeren ama ilusioz
etorri da hona
dio erakusketa
dugula kristona.
Balioetsia litzake
zenbat txalo tona?
Gure ama izanen
balitza gizona.

Baina ez da ta egon da
hura ezkutuan
gure etxean pintatzen
talante mutuan
saririk ez du izan
sekula gertuan
bera sortzaile zela
ezin ulertuan.

Ta orain irribarre bat
dauka ezpainetan
eskertuta baitago
lehengo mihisetan
baina justiziaren bat
genuke gaur bertan
gure ama balego
hemen kuadroetan.

Hala´re positiba
da emakumea
ta dio bera dela
txikia, xumea
ta pozten da gozatuz
egitan unea
neskek hartu baitute
gaur erdigunea.

Ta nik besotik heldu
ta “Guazen etxera
tabernaren batean
goxo afaltzera”.
Pozez saltoka doa
plazaraino bera
ume txikiak plazan
dabiltzan antzera.

Eta izenburua
ekarriz bertara
lehengoen oroitza gaur
gure begitara
lehen bazinen, bagina
edota bagara
mundua aldatu da?
Igual, beharbada.

Monografikoaren bat
ez delako izan
eta ama pozik joan
da lehengo baldintzan
argi izpi bat jarri
dugu haren grisan.
Ea errepikatzen den
sortzaileen bizitzan.

*Tarterik utzi gabe kantatu ditu bertso guztiak; aurrekoa bukatu orduko hasiz hurrengoa.