Bertsos - View details To know more about this section
2023-11-11 Berriz Txapelketa [Bertsoa] / Gorka Pagonabarraga
Bertsoa entzun |
2023-11-11 Berriz Txapelketa [Bertsoa] / Gorka Pagonabarraga
Stanza name:
Hamalauko handia (hg) / Zazpi puntuko handia (ip)
Localization:
XDZ - Xenpelar Dokumentazio Zentroa
Nire soldata nundik edo handik
lortzeko itxaropenetan
behar gogotsu egin izan dut
Durangoko tabernetan
batzutan pozik umore onez
beste batzutan penetan
momentuz lana uzteko behintzat
asmo handirik ez neukan
nahiz zapalkuntza existitzen den
ditugun harremanetan
babesten dira eurak asmatu
dituzten aitzakietan
jendea elkarren lagun eiten da
negozio txikietan. (bis)
Jentea nahiz ta mozkortu nahian
etortzen zaigun festara
gu barra atzean irriparretsu
mantentzera badezpada
taberna txiki lau langiledun
ta ez neukan bihozkada
baina azkenean amaitu dugu
norbaiten esanetara
soldata onak harreman onak
guztia perfektua da
egia izan ahal dadin igual
perfektuegi beharbada
gure tabernan gure nausia
maitatzera heldu gara. (bis)
Komodo geunden ta plan horretan
zer egin gara lasaitu
tabernan inoiz sufritu arren
ezerk ez gaitu gogaitu
gogoan ditut ugazabaren
animozko zenbait aipu
ta orain atzera begira diot:
“Gorka, beti horren kaiku”
Harreman ona denean ere
diruak agintzen baitu
dirua falta zaigun unean
zer egin gara etsaitu
bere lagunak omen ginenak
denok kaleratu gaitu. (bis)