BDB Bertsolaritzaren datu-basea

General information

Kategoria

Bat-batekoa

Performance

2023-03-04 Larzabale Lagun-artekoa

Bertsolaris / Authors

Aizpurua Ibargarai, Haira

Gaztelumendi, Beñat

Exercise

Binaka gaia-emanda

Proposed topic

Zuek biak EHZko bi militante historiko zarete; Arrosa, Idauze-Mendi, Heleta, Lekorne eta Irisarritik pasatakoak. Urtero bezala, laguntzaileentzako afarirako patata zuritzen ari zarete. Gaur festibaleko larunbata da eta solasean hasi zarete; egungo laguntzaileei buruz, egungo musika taldeei buruz…

Description

Melody

Manuel Narruk atzo esan dit C

Stanza name

Zortziko handia (hg) / Lau puntuko handia (ip)

Edukiari buruz

Entities

EHZ Festibala

Localization

Localization

XDZ - Xenpelar Dokumentazio Zentroa

Collection / Fond / Project

Bapatean Bilduma

2023-03-04 Larzabale Lagun-artekoa [Bertsoa] / Haira Aizpurua Ibargarai, Beñat Gaztelumendi

Stanza name:  Zortziko handia (hg) / Lau puntuko handia (ip) 
Localization:  XDZ - Xenpelar Dokumentazio Zentroa 

---

B. Gaztelumendi
Hara Arrosan zenbat elurte ta zenbat euri erauntsi
ze garagardo eta ze arno eta zenbat baso hautsi!
Ta orain berriz Instagramean lau argazki erakutsi
gaur eguneko laguntzaileek dute fundamentu gutxi.

H. Aizpurua
Gazteak beti harrotu eta uste direla errege
bakoitzak dute haien gogoan mila helburu ta xede
baina uste dut, iruditzen zait, ez dira gure mesede
gazte berriek ez dakite ta patatak xuritzen ere.

B. Gaztelumendi
Nik ere hori pentsatu dut bai hara zenbat gazte berde
laguntzailetzat inguratzen da gugana hainbeste jende
ta hor dabiltza hiru patata txiki ta tristeren mende
gure garaian jaten genitun gordinik zeudenak ere.

H. Aizpurua
Eta taldeak pasatzen dira hemen beti urtez urte
J Martina ta Merina Gris haiek milaka bertute
aurten afitxan agertu dira, baina ez ´zazula uste
bi akordekin moldatu eta musika deituko dute.

B. Gaztelumendi
Hara Belako beraien txandal moderno eta txuria
ta Chill Mafia hori zer degu? Ba bakarrik irudia!
J Martina horrekin ere ipintzen naiz urduria…
Nun daude Fermin Muguruza ta Tapia ta Leturia?

H. Aizpurua
Iruditzen zait gazteen musika dela pixka bat tristea
kostatzen zaie helduengana akordeekin iristea
remixak eta remixak egin hori dutela jitea
baina ez dute gehio asmatzen kantu berriak itea.

B. Gaztelumendi
Kantu berriak egiten denak ibili ohi dira bare
ai kulturgintza nik ikusten dut ja ezerezaren pare!
Bertsolariak ere aspaldi alfertu antzean daude
gure garaian kantatzen zuten inork gairik jarri gabe.

H. Aizpurua
Egia da bai bertsolariak ez dira entzuten gehiegi
Iparraldean ez dira ainitz eta ez dira ageri
joan den urtean baziren batzuk aipaturik mila egi
ta aurten ere gipuzkoarra! Berriz da Gaztelumendi!

B. Gaztelumendi
Zuk Lujanbio nahiko zenuen bere ile ta txamarra
Egaña eta Lizaso ere bikote ezagun xamarra
bizkaitarra da Bizkarra eta Julio berriz naparra
Gaztelumendi da ezautzen deten bertsolari on bakarra.

H. Aizpurua
Gipuzkoatik ekarria du barnean duen jakintza
joan den urtean bero eginta halere plantatu hitza
eta entzuten ibilia naiz, ze tristea den bizitza…
musika ere gehitzen diote! Hori ez da bertsolaritza!

B. Gaztelumendi
Egia da bai gauza raroak dira bertsolarienak
hainbesterako ez du ematen zu ta nire adimenak
ez dakit eta garaiak ote diren aldatu direnak
edo bestela gu garen garaiz kanpo gelditu garenak.

H. Aizpurua
Belaunaldian aldaketa bat gu biak gira lekuko
baina ez dakit guk bezain ongi beraiek duten lortuko
haien ondoan egonen gira, ahal bezain hurbil, gertuko
orain lanean segi dezagun ez dute ta afalduko.