Bertsos - View details To know more about this section
2023-05-21 Portugalete Lagun-artekoa [Bertsoa] / Maddalen Arzallus, Alaia Martin
| Bertsoa entzun |
2023-05-21 Portugalete Lagun-artekoa [Bertsoa] / Maddalen Arzallus, Alaia Martin
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
M. Arzallus
Asteazkenean hasi zineten
ta joan hala goraka
azkenerako iritsi zaigu
festa amaitzeko data
arratsaldeon, ongi etorri
agurra preziso da ta
merkatu zaharra apain dezagun
bertso berriak botata. (bis)
A. Martin
Arratsaldeon zer moduz gaude
jende jator ta euskaldun?
Xagu soinuak entzuten dira
hala direla demagun
bertakoekin bertakoentzat
bertan nahi genuke jardun
sortu dezuen giro eder hau
auzogestiona dezagun. (bis)
M. Arzallus
Giro ederra sortu duzue
eta txukun egin lana
lau bat egunez bete-beterik
izan duzue programa
nahiz ta herrian batzutan kontra
suertatzen den panorama
esan bezate nahi duten dena:
ederra da auzolana! (bis)
A. Martin
Ederra da ta osatu ondoren
mila ekintzen zerrenda
elkartu diren talde ta tailer
guzti hauek nola zenba?
Baina gaurkoa aipatu eta
begiratzera goazen ba!
Hiru t’erditan bazkaltzen bada
zer ordutan afaltzen da?
M. Arzallus
Atzo parranda egin ondoren
gaur jeikitzeko nagia
eskerrak gero poteoren bat
atera den oparia
eta ondoren ezin moztua
bazkarirako haria
biak batera egin ditut nik
bazkari ta afaria. (bis)
A. Martin
Egia esan ordutegia
izan da kuriosoa
sartu ta ez zen inor barruan
sentitu naiz inozoa
gero plater bat bakarrik eta
postrea ez zen xoxoa
ea saioa trenzatzen dugun
postrea bezain goxoa. (bis)
M. Arzallus
Postrea zen bai oso goxoa
etxeko peto-petoa
supermerkatu baten hartua
baina itxura onekoa
ordutegiaz kexa bat dugu
guk hemen esatekoa
hau ama da ta goiz bazkaltzen du
ta ni Iparraldekoa. (bis)
A. Martin
Egia esan ordutegirik
ez dut bakar bat kuttunik
eta argitu nor egingo zen
esan duzuna entzunik
nik ez nekien bazen okelik
edo bazen babarrunik
hamabietan ta lau t’erditan
bi aldiz bazkaldu dut nik. (bis)
M. Arzallus
Beraz bi aldiz bazkaldu duzu
mezua hola zihoan
baina lehenik seme txikia
eduki duzu ondoan
eta ondoren hona etorri
ta kontua nola doan
oso gutxitan bazkaltzen dugu
holako lagun giroan. (bis)
A. Martin
Bazen nahikoa lagun atsegin
kanturako zenbat jende
eta goizetik horren programa
zabal-luzearen mende
begira hauei ze begizulo
ta gorputzak ze titere!
Holako ajerik ez dute izaten
San Roke jaietan ere. (bis)