Bertsos - View details To know more about this section
2023-09-01 Zarautz Sariketa [Bertsoa] / Unai Mendiburu
| Bertsoa entzun |
2023-09-01 Zarautz Sariketa [Bertsoa] / Unai Mendiburu
Stanza name:
Hamaseiko handia (hg) / Zortzi puntuko handia (ip)
Localization:
XDZ - Xenpelar Dokumentazio Zentroa
Ostegun gaua beste behin Bilbon
pintxo-poteak lotuta
kuadrillarekin barra ertzera
ta lehen tragoa lortuta
harrotuz noa musikak eta
gau giroak berotuta
jendarte batek moztu du baina
lagun arteko zurruta
euren bota beltz, buru rapatu
eta militarren looka*
agertu dira “Muerte a los vascos!”
ta “Viva España!” oihuka
bati muturra berotu diot
ta hor hasi da burruka
odol artean irri egin dit
nahi zuena lortu du ta.
Kendu dituzte preso ikurrak
ta ondoko ikurrinak
nik marra hori pasatu nezan
ze nolako ahaleginak
eta amua irentsi dut ta
hartu berri nau saminak
zerk mugitu nau injustiziak
edo biolentzi grinak?
Begiradaz ta kritika hutsez
betez taberna izkinak
marra gorria bai pasatu dut
diosta egi gordinak
beti kolpetan konponduz gero
gure nahiak ta ezinak
bakoitza bere alboan baina
ez gara hain desberdinak.
* “Luka” ahoskatu du.