Bertsos - View details To know more about this section
2024-11-24 Zarautz Txapelketa [Bertsoa] / Amaia Iturriotz Etxaniz, Aner Peritz Manterola
| Bertsoa entzun |
2024-11-24 Zarautz Txapelketa [Bertsoa] / Amaia Iturriotz Etxaniz, Aner Peritz Manterola
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
A. Iturriotz
Ondo zukutzen duzu
zuk mahats gramoa
poteatzearena
ohitura sanoa
kezkatuta zaudela
badaukat susmoa
jesten ari delako
ardo kontsumoa. (bis)
A. Euzkitze
Lasai ez du hainbestek
kontsumitzen ura
zu fijatu sartzean
koparen barrura
hain lasai aipatzeko
aroma, freskura
sudurra nahiko baldar
kabitzen zaizu ba. (bis)
A. Iturriotz
Txata samarra naiz ba
eta zait arraro
zure upategian
ardo asko dago
baina dena galtzen da
trago eta trago
reserbara iritsi
baino lehenago. (bis)
A. Euzkitze
Bai nabari da hau egin
duzula askotan
gaur ere etorri zara
zu edan asmotan
laister hasiko zara
kantuan, bertsotan
dena probatuz gero
kantitate hortan. (bis)
A. Iturriotz
Kritikatzen hasita
zu Aner guzia
barkatu baina ez zera
nere nagusia
nere ofizioa
nahiz den itsusia
alkoholismoa ez dago
gaizki ikusia. (bis)
A. Euzkitze
Bai zu txarra ez zaude
alkoholismorako
jakin nire ardoa
ez dela doako
kalitatez ez bada
mediatik gorako
behintzat balio al du
kalimotxorako? (bis)
A. Iturriotz
Bai balio du ze dut
ondo aukeratu
eman behar dizkizut
nahi beste kontaktu
baina beste kopa bat
nahiko nuke hartu
kolorean ez naiz ta
hain ondo fijatu. (bis)
A. Euzkitze
Nik gorria hartu dut
zure koloretzat
ardoaren usainak
testurak ta ertzak
tia lasai, lagunak
egin gara behintzat
utzi txorradak eta
atera zerbezak. (bis)