Bertsos - View details To know more about this section
2004-11-21 Bermeo Txapelketa [Bertsoa] / Iratxe Ibarra, Beñat Ugartetxea
2004-11-21 Bermeo Txapelketa [Bertsoa] / Iratxe Ibarra, Beñat Ugartetxea
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
I. Ibarra - B. Ugartetxea
Gaia: Zu, Iratxe, aberatsa zara eta Beñat eskalea. Minbizia daukazue biok. Lehenengo kimioterapia aldian ezagutu duzue elkar.
Neurria: Hamarreko txikia
Doinua: Espainian behera
I. Ibarra
Hemen batu gara gu
klinika barnean
gaixotasuna holan
sentitzen danean
dana da tristezia
holako unean
Beñat neu ere nago
bakartasunean
dirua alperrik da
gaixotasunean. (bis)
B. Ugartetxea
Berdin da marroidun ta
edo begi urdina
baina hau da biontzat
sinistu ezina
minbizia bihurtu
biziaren mina
hil egin behar gara
da gauza jakina
bide ezberdinetik
helmuga berdina. (bis)
I. Ibarra
Gaur ondo urtetea
egiten dot amets
aspaldian morala
daukat nik tatarrez
zugan hartu nahi neuke
lagun maite babes
nahiz poltsikoak euki
diruagaz gainez
bular bakarra daukat
orain biren partez. (bis)
B. Ugartetxea
Nola irtengo gara
gu biok hemendik
kutxa baten sartuta
nik hori badakit
nerea lau oholekin
ta zurea polit
zu hiltzeko zain daude
diruarengatik
ta nigatik ez dute
egingo negarrik. (bis)
I. Ibarra
Alperrik ete dira
horrelako lanak
antzekoak ditugu
bion panoramak
negarrik ez dala ta
Beñat zure zamak
negar egingo deutzu
familia danak
neuri moduan zuri
be aita eta amak. (bis)
B. Ugartetxea
Ta agian akordatu
leike ere Arkaitz
baina bisitan ez da
hona heldu garaiz
ta deitu ere ez dit
egin inortxok maiz
ta hau esango dizut
nik umore alaiz
azkenengo arnasan
akordatuko naiz. (bis)