Bertsos - View details To know more about this section
2005-03-05 Orozko Jaialdia [Bertsoa] / Oihana Bartra, Mikel Mendizabal
| Bertsoa entzun |
2005-03-05 Orozko Jaialdia [Bertsoa] / Oihana Bartra, Mikel Mendizabal
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
M. Mendizabal:
Hogei urteko bilobatxoa
oraindik oso gaztea
nabaritzen det zure inguruan
daukazun buruhaustea.
Hemen naukazu nahiko bazenu
zerbait adieraztea
aititerentzat tristea baita
biloba triste ikustea.
O. Bartra:
Nire arrazoia botako deutsut
benetan modu gozoan
lehen ere fijau egin zara ta
bilobaren arazoan:
erdi gaixorik ikusten zaitut
ta makal antza pausoan
ta nire ondoan euki nahi zaitut
nire bizitza osoan.
M. Mendizabal:
Arrazoi dezu ez nagoela
osasunean betea;
alargun ere gelditu nintzan
hori neretzat suertea!
Zaila izango da bizi osoa
elkarrekin izatea
puska on batzuk goza ditzagun
aizu biloba maitea.
O. Bartra:
Ederto dakit azkenaldian
joan zarela gainbehera
ta gero eta txarrago dala
nire aititeren tankera
baina edarto egongo nintzen
pozez beteta gainera
zu eta biok batera egonda
zure istorioekin batera.
M. Mendizabal:
Zer kontatua ugari daukat
ta istorio itzela
baina denborak ipintzen gaitu
komeni zaigun bezela.
Makalik eta triste antxean
aurkitu arren honela
jakizu zure adinean nik
bapo gozatu nuela.
O. Bartra:
Egia da bai egon zinela
garai bateko suertean
denbora luzez jente askogaz
zorionaren atean
eta orain nik ez dot egon nahi
noski zutaz apartean;
zure arretaz gozatu nahi dut
aukera dodan artean.
M. Mendizabal:
Pasa ditugu lautada zabal
eta pasatu bazterrak;
familiako berotasunak
ez dira une uherrak.
Nere denboran eginak ditut
hain ibilaldi ederrak
ta hildakoan zurekin nauzu
oroimenari eskerrak.
O. Bartra:
Noski oroimenak iraun behar dau
beti gogor eta sendo
baina zu barik nire bizitza
ez da bardina izango.
Berbeta honek halan ta ere
egingo deust oso ondo
ta zure berbak euki artean
tristerik ez naz egongo.