Bertsos - View details To know more about this section
2010-11-20 Getaria (G) Berezia [Bertsoa] / Uxue Alberdi, Jokin Labayen
Bertsoa entzun |
2010-11-20 Getaria (G) Berezia [Bertsoa] / Uxue Alberdi, Jokin Labayen
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
J. Labaien:
Egun batean zehaztu ziren
gaizkia eta ongia
eta geroztik hor bizi gara
teoriak teoria
ez da berdina batzuen eta
beste batzun hilobia.
Nolako gauza moldagarria
den pertsonen memoria!
U. Alberdi:
Hedabideek saltzen dituzte
notizia nahasiak
eta larritzen gaituzte gure
hilen berri eskasiak
baina ezberdin dira lurrean
erein zituzten haziak:
batzun gainean loreak daude
besteen gainean sasiak.
J. Labaien:
Niretzat ere batzuek dira
besteak baino loreago
baina ez denentzat nahiz ta urteak
guztiontzako igaro.
Hedabideek saltzen digute
ni horretan ados nago
baina guregan ez ote dago
eurengan baino gehiago?
U. Alberdi:
Gertatu zena desitxuratzen
badute nahiko botere
gogoratzea batzutan kalte
eta besteetan mesede.
Medikua zen Santi Brouard ta
aritu ohi zenez trebe
gure zauriak sendatzen ditu
lurpean egonda ere.
J. Labaien:
Heldu liteke geure zauriak
eta dena sendatzera
horrexegatik daukagulako
bakoitzak gure papera.
Baina ez dut nahi bizitza pasa
begiratuaz atzera
kontua ez al da zer eingo dugun
Uxu hemendik aurrera?
U. Alberdi:
Hedabideek mundua sortzen
dute segunduz segundu
herri batean bizi gara ta
halere gara bi mundu
baina mundua diferentea
egin liteke seguru
bizi garenok hilengandikan
ikasten baldin badugu.