Bertsos - View details To know more about this section
2004-09-12 Arrasate Jaialdia [Bertsoa] / Ekaitz Goikoetxea
| Bertsoa entzun |
2004-09-12 Arrasate Jaialdia [Bertsoa] / Ekaitz Goikoetxea
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Puntaren puntan dabiltza hainbat
bertsolari on ilustre:
Agirre, Martin, Iñaki, Ekaitz
ta ezusteak ezuste.
Gazteak sarri txapelketara
kondenatu ohi gaituzte.
Egoera hau xamurra denik
inork ez dezala uste
txarrak gerala konprobatzeko
aukerak nahi genituzke. (bis)
Batzutan triste kantatzen degu
beste batzuetan alai.
Gure ustetan izan badegu
hainbat bertute ta dohai
baina bertsoen gurpil zoroak
betiko bidean darrai;
ez ote gera bertso bazkari
ta afariak pizteko gai?
Txapelketako bertsolaria
bakarrik ez det izan nahi. (bis)
Ahalegina maiz izaten da
gogorra bezain labaina.
Saio askotan eman izan det
beste batzuen tamaina
baina oraindik ez zait etorri
merezitako ordaina;
bertsozaleen fauna bitxia
ez al da jabetu baina
bertsolaritza soilik ez dela
Lizaso eta Egaña? (bis)