Bertsos - View details To know more about this section
1996-08-16 Albiztur Jaialdia [Bertsoa] / Mikel Mendizabal
| Bertsoa entzun |
1996-08-16 Albiztur Jaialdia [Bertsoa] / Mikel Mendizabal
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Filosofizko esaera bat
heldu zait aldamenetik;
ni're busti naiz putzu horretan
juan daneko aspalditik.
Gorrotoa ere sortu daiteke
maitasunaren atzetik;
neurririk gabe maitatze hori
egia ote dan ez dakit,
bizi beharrak agintzen baitu
filosofian gainetik. (bis)
Uste horretan batuko ziren
hainbat gizon da andere;
hasera baten dena polita
eta guztia amore,
baina arantza bihur daiteke
ustez genduena lore,
bizimoduak nola dituen
hainbat arau eta lege,
ta nik maitasun platonikoan
ez dut sinesten batere. (bs)
Amodioak itsutasuna
sortzen du begietara,
baina begiak zabaldu eta
bizitzari errepara:
filosofia arrazoiekin
ezin liteke konpara,
errealitate gordina zein den
konturatu beharbada,
sokarik ezin liteke luza
erdian etetzen bada. (bis)