Bertsos - View details To know more about this section
1986-03-16 Bilbo Txapelketa 17:00 [Bertsoa] / Jon Enbeita
1986-03-16 Bilbo Txapelketa 17:00 [Bertsoa] / Jon Enbeita
Stanza name:
Neurri berezikoak
Localization:
XDZ - Xenpelar Dokumentazio Zentroa
lhesi zendun anai maitea,
zuretzat izan da hau kaltea,
joan zinandik zure sendia
dago malkotan betea, (bis)
zu horrela ikustea,
benetan dugu tristea,
nahi nizuke esatea,
hobea dela anai artean
beti esku ematea,
zatoz nirekin berriz etxera
zabalik dago atea. (bis)
Izango zendun zuk hainbat egi,
sinesten dizut buru ta begi,
baina orduko aitu ezina
betirako galdu bedi. (bis)
Ez dakit zendun zilegi,
horrela ezin da segi,
da atsekabe gehiegi,
gaztea zera eta bizia
ez zazu hola eskegi,
hemen naukazu, biok batera
emango degu aurpegi. (bis)
Destinoaren ezten zorrotza,
hain hurbila ta horren arrotza,
sarri nagusi izan nahi eta
bilatzen dugu morrontza. (bis)
Ihestearen mingotza,
gehienetan dugu hotza,
baina anai ez zaite lotsa!
Zure etxean maite zaitugu
egiten dizut aitortza,
etorri zaite lehertu orduko
zure amaren bihotza. (bis)