Bertsos - View details To know more about this section
1989-11-26 Azpeitia Txapelketa 11:30 [Bertsoa] / Joxe Mari Lertxundi, Millan Telleria
1989-11-26 Azpeitia Txapelketa 11:30 [Bertsoa] / Joxe Mari Lertxundi, Millan Telleria
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
Lertxundi
Hau oporretara hor
gendun aldegina,
eta hori izan da
bere atsegina,
txanpon guztia dauka
orain aldegina,
eta etxean arki
du bizi ezina,
hobe nuan batere
bihurtu ez bazina.
Telleria
Bizi laguna hasi
zera nahiko trebe,
diozu dirurikan
ez degula gorde,
oliorikan gabe
ez dezaket alde,
Benidortik gaur goizez
etorri gerade,
igandea da eta
itxirikan daude.
Lertxundi
Benidorra juan da
honen ixkanbila,
han gastatu du nunbait
bere diru pila,
orain nere etxera
olioa(re)n bila,
nik ez det estimatzen
holako mutila,
goseak baldin bada
izurra dedila.
Telleria
Dirurik ezarena
ez da arazoa,
nahizta zure etxera
luzatu pausoa,
lehen ez bainuen utzi
batere jasoa,
oraintxe emaidazu
olio basoa,
ta itzuliko dizut
botila osoa.
Lertxundi
Benidorren izan da
hilabete osotan,
eta gastatu dana
hango arazotan,
lehen e(re) olio bila
izan da askotan,
eta beti utzi dit
honek gerokotan,
ez det lagun beharrik
ho(r)i egitekotan.
Telleria
Hilabetez urruti
ta han ez geratu,
aspaldian ez degu
izan hainbat tratu,
elkar-hizketarik e(re)
ez degu burutu,
nahizta ondorenean
biok inguratu,
lehen bezelako zera
ez zera aldatu.