Bertsos - View details To know more about this section
1989-11-26 Azpeitia Txapelketa 17:00 [Bertsoa] / Anjel Larrañaga, Xabier "Euzkitze"
1989-11-26 Azpeitia Txapelketa 17:00 [Bertsoa] / Anjel Larrañaga, Xabier "Euzkitze"
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
Euzkitze
Lehengoak bazulako
zenbait pipi arraio,
berriari begira
gelditu natzaio,
ai pikardi asko dun
adar jole iaio,
gutxienez tapaki(re)n bat
jarri behar zaio.
Larrañaga
Nik lana egin nuen
behar zan moduan,
baina esango dizut
ta hartu goguan,
aitzaki(a)k zertarako
gaur jarri onduan,
lehen egurra zedorrek
ekarri zenduan.
Euzkitze
Zurekin aspalditxo
egin nun tratua,
baina hain irten zera
madarikatua,
gerritik behera dago
zure pekatua,
hola ez du ematen
batere Santua.
Larrañaga
Akatsa utzi nahi det
garbi agertuta,
apaiza dagolako
gaur haserretuta,
egur txarra(re)n aitzaki
pipiak hartuta,
hori ez da izango
egilea(re)n kulpa.
Euzkitze
Lehengoa hain zegoen
guztiz zatartua,
beste bat egitera
negon behartua,
ez badezu konpontzen
zure pekatua,
berehalaxe zera
eskomulgatua.
Larrañaga
Egia aitortzeko
naukazu gertuko,
da nere lanik ez det
inoiz baztertuko,
harriz egiteko (e)re
naukazu gertuko,
da hori ez da inoiz
pipiak hartuko.
Euzkitze
Egia esan ez zaio
pipirik ageri,
baina ikaragarri ez
zait gustatu neri,
bistan nolatan utzi
hainbeste haragi?
Ezin zaio erakutsi
Aita Santuari.
Larrañaga
Apaiza daduzkagu
kontu nabarmenak,
da nere lanetikan
zeuden ondorenak,
baina esango dizut
gauzik okerrenak,
Kristok lehen e(g)in al zitun
hor milagro denak?