Bertsos - View details To know more about this section
2003-11-02 Zumaia Txapelketa [Bertsoa] / Arkaitz Goikoetxea
2003-11-02 Zumaia Txapelketa [Bertsoa] / Arkaitz Goikoetxea
Stanza name:
Neurri berezikoak
Localization:
XDZ - Xenpelar Dokumentazio Zentroa
Lehenik aurrera egin urratsa
ta bapatean sartu arratsa
bat behar eta ene maitea
hau da opari narratsa! (bis)
Izan ote da hau txantxa
edo bestela bengantza
dena bukatu da antza
ezertarako ez da geratu
ezertan dut esperantza
sorta honetan iritsi baita
lore adina arantza. (bis)
Jarraitzea zen nere erronka
baina itxuraz dena dut kontra
hemen bukatu behar ote du
hau al da gure porrota? (bis)
Biok joan gera pausoka
hainbeste maitasun mota
ta puskatu duzu soka
ene maitea holako kolpe
jasan ezina zuk jota
orain ez dakit txarroan sartu
edo leihotikan bota. (bis)
Harreman honek zun balorea
maitasuna zen, zen amorea
baina itxuraz denborarekin
galdu duzu adorea. (bis)
Larrosa eta morea
sorta honen kolorea
alperrikan da ordea
zuretzat ez dut bat'e lorerik
barruan zauzkat gordea
ta inoiz ez da zimelduko ez
oroimenaren lorea. (bis)