BDB Bertsolaritzaren datu-basea

General information

Kategoria

Bat-batekoa

Periodical Performance (Saioarena)

Gipuzkoako Bertsolari Txapelketa (8. 2007)

Performance

2007-10-21 Irun Txapelketa

Gai-emailea

Elizasu, Unai

Bertsolaris / Authors

Barandiaran, Aitzol

Izagirre, Iñigo

Exercise

Binaka gaia-emanda

Proposed topic

Iñigo aitaginarreba gonbidatu zenuten atzo afaltzera. Ondoezak jota, gauean erietxean ingresatu behar izan dute. Bixitan etorri zatzaizkio ospitalera, Aitzol.

Description

Melody

Praixku Galtzazarreta A

Stanza name

Zortziko txikia (hg) / Lau puntuko txikia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Txapelketetako Bilduma

2007-10-21 Irun Txapelketa [Bertsoa] / Aitzol Barandiaran, Iñigo Izagirre

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

---

A. Barandiaran: Beti ibiltzen gera
biok eztabaidan;
horrexegatik ganbak
jarri nitun mahaian.
Gaur barkazio eske
zugana iladan:
alergika zinela
ahaztu zitzaidan.

I. Izagirre: Gazte hauekin behar
da pazientzia;
atzo ganbak jarrita
ze elegantzia!
Elkarrekin dihoaz
urtebetez ia;
azkar kobratu nahi du
bere herentzia.

A. Barandiaran: Marisko eta guzti
horrexetarako
ospitalera nator
aitortu beharko
lore-sorta ta guzti
txukun bapo-bapo
RIP ipintzen du baina
ez da zuretzako.

I. Izagirre: Beraz kanposantuan
nonbait ibili da
atzo akatu zenan
tunbari begira;
RIP ipintzen du baina
onartzen dut tira;
beldur gehio neukake
gailetak balira.

A. Barandiaran: Ilusioz beteta
pasa hainbat ordu
familia beltzean
jantzita gatoz gu;
bizirik irauteko
honek zenbat modu?
Kauen! Hurrengo baten
izan beharko du!

I. Izagirre: Alabai esan nion
"Seguru al zera?
Neri ez zait gustatzen
tipo horren tankera;
atzo afaiak tristia
zunez amaiera
sendatzen naizenian
etorri gurera".