Bertsos - View details To know more about this section
2007-10-21 Irun Txapelketa [Bertsoa] / Aitzol Barandiaran, Iñigo Izagirre
2007-10-21 Irun Txapelketa [Bertsoa] / Aitzol Barandiaran, Iñigo Izagirre
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
A. Barandiaran: Beti ibiltzen gera
biok eztabaidan;
horrexegatik ganbak
jarri nitun mahaian.
Gaur barkazio eske
zugana iladan:
alergika zinela
ahaztu zitzaidan.
I. Izagirre: Gazte hauekin behar
da pazientzia;
atzo ganbak jarrita
ze elegantzia!
Elkarrekin dihoaz
urtebetez ia;
azkar kobratu nahi du
bere herentzia.
A. Barandiaran: Marisko eta guzti
horrexetarako
ospitalera nator
aitortu beharko
lore-sorta ta guzti
txukun bapo-bapo
RIP ipintzen du baina
ez da zuretzako.
I. Izagirre: Beraz kanposantuan
nonbait ibili da
atzo akatu zenan
tunbari begira;
RIP ipintzen du baina
onartzen dut tira;
beldur gehio neukake
gailetak balira.
A. Barandiaran: Ilusioz beteta
pasa hainbat ordu
familia beltzean
jantzita gatoz gu;
bizirik irauteko
honek zenbat modu?
Kauen! Hurrengo baten
izan beharko du!
I. Izagirre: Alabai esan nion
"Seguru al zera?
Neri ez zait gustatzen
tipo horren tankera;
atzo afaiak tristia
zunez amaiera
sendatzen naizenian
etorri gurera".