Bertsos - View details To know more about this section
2001-05-12 Irun Txapelketa [Bertsoa] / Unai Agirre Goia, Aritz Aranburu
2001-05-12 Irun Txapelketa [Bertsoa] / Unai Agirre Goia, Aritz Aranburu
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
ARANBURU:
Seme txikia guri hil zitzaigun
kamioitxo batek jota
ta orduz geroz aita ta ama
gabiltz penetan itota.
Gela hori hola utzi ezazu
ama ez bazaizu inporta,
juanagatik oraindik ere
gure artian dago-ta.
U.AGIRRE:
Gauzak ahaztea askoz hobe da
mazuak hala jotzean,
kamioi batek gure semea
eraman du hotz-hotzean
eta logela aldatu nahi det,
nahiz min hartu bihotzean,
bere aurpegia ikusten baitet
sartzen naizen bakoitzean.
ARANBURU:
Itxi nahi dezu bere logela
zerraila batez itxita,
oroitzapenak zugana datoz
argazkiak ikusita;
bainan ez zazu ezer aldatu
nere poza ipinita,
nik negar hantxe egiten baitet
bere ohean exerita.
U.AGIRRE:
Negar eginda gera zintezke
egun bakarrean lasai,
baina bizitza ezin da pasa
beti oroimenekin hor blai;
seme gehiago badituzu ta
hoiek ez ahaztu nolanahi,
gure txikina joan da baina
bizitzak aurrera darrai.
ARANBURU:
Bizitza hau're oso polita
baina barrutik ustela,
etorkizuna ipini zaigu
gordina eta krudela:
baina amatxo, dagon bezela
utzi behar zenduke gela,
penaren penaz neroni igual
hil egingo naiz bestela.
U.AGIRRE:
Hola uzteko esaten ai zait
erregu eta erregu,
Baina penatan ez det bizi nahi
nik udara eta negu;
gazteak gera eta oraindik
oso sasoiko gaude gu,
beste seme bat ekar dezagun
ta bertan jarriko degu.