Bertsos - View details To know more about this section
1987-12-06 Durango Txapelketa [Bertsoa] / Jon Enbeita
1987-12-06 Durango Txapelketa [Bertsoa] / Jon Enbeita
Stanza name:
Hamabiko ertaina (hg) / Sei puntuko ertaina (ip)
Localization:
XDZ - Xenpelar Dokumentazio Zentroa
Liburuak datozela
amaibako katera
Herriko kulturarentzat
hori ez da kaltera.
Geure hizkuntzaren jaube
noizbaiten izatera
bide hortatik seguru
gu iritxiko gera,
baina Herri honek zor du
bestelako irtera:
ea Herri hau badoa
liburuaz batera. (bitan)
Nire aipamena dute
idazleak merezi
lan eginaren kontra gaur
ez neuke gura hasi.
Bide desberdinetatik
behar da irabazi
baina ni ikusten nago
hainbeste injustizi,
zertarako liburuak,
euskal hainbat notizi,
Herri honek dun katea
ezin badugu hausi? (bitan)
Ehundik gora omen dira
ekarriak gaur egun
zorionak ta aurrera
bide horretan jardun.
Elkartu abertzaleok
denok elkarren lagun
kultura jaso behar da
edonoz eta nahinun,
baina Herri hau munduan
izan daiten ezagun
borrokaren liburua
geuk idatzi dezagun. (bitan)