Bertsos - View details To know more about this section
1987-12-13 Gasteiz Txapelketa [Bertsoa] / Rikardo Gonzalez de Durana
1987-12-13 Gasteiz Txapelketa [Bertsoa] / Rikardo Gonzalez de Durana
Stanza name:
Neurri luzekoak
Localization:
XDZ - Xenpelar Dokumentazio Zentroa
Jo eta kean hasi ikasten
gure hizkuntzaren alde
hezi behar da lur honetantxe
horrenbeste gizon trebe.
Horri begira etxean gelditu
gabe oraindikan bare
egin gurearen jabe. (bitan)
Ez gaitezen gu gelditu beti
gure etsaiaren menpe
ez al litzake buru jabeak
izatea askoz hobe. (bitan)
Guziok lana egin duzue
hortako nola edo hala
ikusten denez hori ez bait da
batere lantxo apala.
Frantsesek gura lukete sartu
hortan bere martingala
gogorra eta zabala. (bitan)
Ez utzi inoiz ilunagotzen
euskaldunaren itzala
eta pentsatu horrekin soilik
oso gauza gutxi dala. (bitan)
Ezin da esan Euskal Herria
behin betirako akabo
nahiz ta agertu gure artera
zenbait fitxaje arraro.
Besten mendean nahiz ta hementxe
urte asko den igaro
erabat seguru nago. (bitan)
Zuen laguntzaz berreskuratu
dezakegula zeharo
borondaterik dagoenean
ezinikan ez bait dago. (bitan)