Bertsos - View details To know more about this section
1990-12-09 Durango Txapelketa [Bertsoa] / Abel Enbeita, Gregorio Larrañaga "Mañukorta"
1990-12-09 Durango Txapelketa [Bertsoa] / Abel Enbeita, Gregorio Larrañaga "Mañukorta"
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
Abel:
Urte garratzak eta
gogorrak datoz ta
honen burua barriz
arintzea kosta
gerran hasi zan bera
atzerako ezta
gerra nahi ez baduzu
Kuwait-etik ospa.
Mañu:
Sadam Hussein ez dago
hain gizon gozua
indar eta armetan
oso erosua
zuk ere kontuz eman
nigana pausua
nik galdu nezake gaur
hor mundu osoa.
Abel:
Ederra daukagu bai
lodi ta mardula
hori ezin ukatu
Bush-ek ez sekula
baina bere burua
dauka oso ahula
jakin mundu guztia
kontra daukazula.
Mañu:
Sadam Hussein hemen da
argia ta fina
egun baten amatxok
mundura egina
danai eman neikie
bihotzeko mina
nigaitik da munduan
dagon gasolina.
Abel:
Zergaitik zara baina
horraino iritsi
zure buruko hautsak
behar dira jetsi
lehendiken ere bada
makina bat bitxi
Amerikan aurrean
arren kopla gitxi.
Mañu:
Amerikano hauxe
harroa sortuta
nolako armak ditun
pobriei ostuta
baina ni ere nago
ongi osatuta
itto egingo zaittut
potzuan sartuta.