Bertsos - View details To know more about this section
1990-12-22 Zaldibia Jaialdia [Bertsoa] / Patxi Iraola
1990-12-22 Zaldibia Jaialdia [Bertsoa] / Patxi Iraola
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
Mundu honetan beti da zerbait
tristetu edo pozteko,
bizitza honen hari laburra
luzatu edo mozteko,
eta hau diot ohitura zaharrez
zerbait esaten hasteko,
gabon Jainkuak guzti-guztioi
herritar da erbesteko.
«Zuek omendu behar zaiztegu»
esan ziguten hain zuzen,
guk erantzuna: «Hori guretzat
gehiegizkoa ez al zen?»
Berak berriro: «Ideia hori
ez dago uzterik galtzen».
Guk obeditu behar gertatu
gogor hartu baiginduzten.
Hainbat lan eta hainbat egintzan
omendutzeko gu hala,
bertsolarien eIkarte berak
lotu lehenengo uhala,
horregatikan denori esker
bihotza eskuan dudala,
ahaztu gabean Idiazabal
ta Zaldibiko Udala.
Lehengo igandez Idiazabalen
ta gaur Zaldibiko plazan,
hainbat egintza ta hainbat ekintza
guztia gure gorantzan,
ez genezake hori guztia
guk era horretan jasan,
bihotza edo hor dagon zerbait
debila egondu bazan.
Hilbeltziaren hamairua da
eta ez naduka lasai
Donostiraino joan beharra
gauza gehiago ere bai,
han elkarturik elkarren hurbil
hainbat arreba ta anai,
guztiok ongi pasa dezagun
beste ezer ez nuke nahi.
Luzeago (e)re ari nindeke
orain ari naizen eraz,
hainbeste gauza esan nahi banu
badadukazkit aukeraz,
baina hobe det bukatutzea
kontuak ongi ateraz,
agur hainbestez guztiori ta
Donostira arte beraz.