Bertsos - View details To know more about this section
1993-11-01 Gernika-Lumo Txapelketa [Bertsoa] / Bittor Agirre "Bitti", Iñaki Murua
1993-11-01 Gernika-Lumo Txapelketa [Bertsoa] / Bittor Agirre "Bitti", Iñaki Murua
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
B.Agirre:
Lehenago nola jakinak geran
gu biok alkarren berri...
Nere ondoan lana egina
zaude zu lehen ere sarri.
Berriro ere nere taldera
nahi zinduzkat nik ekarri
ta galdera bat egiten dizut:
"nahi al zenduke etorri?"(bis)
Murua:
Bartzelonan gaur puntakoetan
oso preziatua nago;
zure ondotik ostikoz jota
bota ninduzun lehenago.
Erabat tonto jokatu ezkero
ordaindu beharra dago.
Etorriko naiz, emaizkidazu
ehunda hogei miloi gehiago.(bis)
B. Agirre:
Tratu hori ezin leike egin
gaur inolaz ere kantan;
garesti xamar iruditzen zait
gaur zuk dadukazun plantan.
Hitzeingo degu biok guk lasai
gero diru kontu hortan:
liga etatzen badeu ez zageauko
zu miloi horien faltan. (bis)
Murua:
Ailper-ailperrik egiten dezu
aspergarrizko jarduna.
Aberastu naiz, ospetsu egin
Bartzelonaraino juna.
Postu bat daukat ta gainera Cruyf
egin det guztiz laguna.
Berriro aurten izan nahi nuke
Europako txapelduna.(bis)
B. Agirre:
Era horretan hitzegiteko
azala du oraindikan;
nik utzi eta beste batena
juan zinaden korrikan;
gure etxean ere ez zendun
lana eginaren faltikan.
Diruagatik baldin bazatoz
ez det lapur beharrikan.(bis)
Murua:
Kirol honetan jadanik ez da
dirua ez dan besterik;
zure ondoan ez det izango
oso pozik jokatzerik.
Nahi ez badezu lehen merke zana
orain garesti hartzerik,
beste batean ez zazu egin
holako hankasartzerik.(bis)