Bertsos - View details To know more about this section
1991-07-20 Legazpi Jaialdia [Bertsoa] / Iñaki Murua
Bertsoa entzun |
1991-07-20 Legazpi Jaialdia [Bertsoa] / Iñaki Murua
Stanza name:
Neurri luzekoak
Localization:
XDZ - Xenpelar Dokumentazio Zentroa
Baserrian jaio nintzen
bizitzaren hegoetan,
zenbat goza izan dudan
hango zelai berdeetan,
lagun haundi bat banuen
oinarri hastapenetan,
sarri hartu ninduena
kantari bi belaunetan,
joan da gero badakit
zer zinan une honetan,
min artetik kantatzen dut
maite zintudan benetan,
horrelako gutxi dira
aitortzen zaitut horretan,
alkarrekin gabiltz beti
nere oroitzapenetan.
Pazientzi haundikoa,
holako ze gutxi diran!
beti jendea ugari
izaten zenuen jiran,
txiste bihurriren bati
nundik helduko hor miran,
zure inguruko denak
majo gozatutzen ziran,
haurtzaroko urte haiek
holaxe joan zitzaizkidan,
ametsezko mozkorraldi
baten irudi bailiran,
zu joan da gero badakit
zer datorkigun segidan,
zuk zer eskatu zenduen
ta zenbat eman zenidan.
Haur mordo bat inguruan,
egingo genuen traba,
zure ipuinak entzunaz
irria eta algara,
esaten zendun bizitza
bakarra bat geneukala,
ta hura luzatu ordez
zabaltsu beharko dala,
saiatzen naiz zure esana
ni egiten egin ahala,
mundu honetan bizitzen
esaten zendun bezala,
maisu on bat izan zaitut
bizitza bezain apala,
eskerrik asko laguna,
eskerrik asko osaba!