Bertsos - View details To know more about this section
1993-12-19 Donostia Txapelketa 11:30 [Bertsoa] / Aritz Lopategi
Bertsoa entzun |
1993-12-19 Donostia Txapelketa 11:30 [Bertsoa] / Aritz Lopategi
Stanza name:
Neurri luzekoak
Localization:
XDZ - Xenpelar Dokumentazio Zentroa
Nire betiko lagun-min hortan
jarria daukat arreta.
Hontarako edo bestetarako
beti hartzen gendun beta;
haserraldiak ere izaten
genitun noski uneka,
baina pozetan beteta,
ia inoiz ez erreta. (bis)
Etxetik irten ala ez irten
nago zalantzaz beteta,
nire betiko laguna ezin
dut burutik kendu eta. (bis)
Biok genuen etorkizunaz
egoten nintzan amesti;
zenbat gauetan alkartzen ginan
goxo-goxo, ezti-ezti;
baina sarritan gure bizitzak
kolpe hauexek dakazki.
Orain ez nabil errezki:
neure zalantza ta guzti. (bis)
Bakartasuna daukat gainean
ta aurkitzen naiz oso gaizki,
baina bizitza berri bat ere
hasi beharko dugu noski. (bis)
Biok batera mila ekintzatan
hartzen baigenduen parte,
baina oraintxe berak utzi nau
bazter batean aparte,
ta pena eta samin guztiak
oso-osoan hartu naute:
zenbat negar eta neke!
Inondik ezin naiz bete. (bis)
Baina kalera urten behar dut
eta saiatu jo ta ke,
nire bihotz hau piztuko duen
laguna aurkitu arte. (bis)