Bertsos - View details To know more about this section
Basarriri erantzuna [Bertsoa] / Inaxi Etxabe
Basarriri erantzuna [Bertsoa] / Inaxi Etxabe
Stanza name:
Hamarreko handia (hg) / Bost puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Anaitasuna [Aldizkaria] Argitalpen data:
1955-11-00
Localization:
XDZ - Xenpelar Dokumentazio Zentroa
Basarri jauna, zuk badaukazu
aiton bat maite dezuna
zeuk diozunez berarekin oso
sarri tratatzen dezuna
eta zuk ontzat ematen dezu
arek esaten dizuna.
Irakurrita daukat nik ondo
bertsotan jarri dezuna.
Amen dijoakizu, ba, orain
neskatx baten erantzuna.
Emakumeak utzi gaituzu
oso okertzat artuta
munduan diran zorigaitz danak
gure lepora botata.
Gizasemiak ote dauzkatzu
oso santutzat artuta?
gai onen kontra zer esanikan
etzait neri orain falta
BIOTZA NOLA JARRIA OSO
DAUKATEN MINBERATUTA
Bizio txarrik asko badago
gizasemien artian
begiratzia naikoa dezu
auzo-taberna atian
egunero an ikusten dira
pozik asko zurrutian
jakiñagatik ori dutela
bere buruen kaltean.
Ez dira ala ere geldituko
patrikak ustu artian.
Igande goiza etorri eta
beti gauza bat buruan:
denborik ezin pasa degu-ta
aurrera "txikiteuan".
Eguardirako jarriko dira
ganberruaren moduan;
izkuntza ederrik entzungo dezu
gero beren inguruan.
Nik ezin neurtu oitura orrek
ze kalte egiten dituan.
Nobelak ere ikusten dira
gaur askotxoren eskutan
esango nuke emakumeak
aña badirala ontan
zenbat gastatzen duten ez jakin
zibgarro eta zinetan;
jokuan berriz zer esanik ez
taberna eta plazetan.
Miseriarik ez da faltatzen
gero fameli askotan.
Noranai juan nai dutenian
ez dute falta dirurik;
emakumeak ibilli bear
zorrak ordaindu eziñik.
Etxian falta dan gauzagatik
ez dtuelako ajolik
NESKATXAK!, garai datorrenian
ez galdu zuen zentzunik
orrelako bat lagun artuta
ez dagolako gauz onik.
Basarriri erantzuna [Bertsoa] / Inaxi Etxabe
Stanza name:
Hamarreko handia (hg) / Bost puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Anaitasuna [Aldizkaria] Argitalpen data:
1955-11-00
Localization:
XDZ - Xenpelar Dokumentazio Zentroa
Error 0x2