Bertsos - View details To know more about this section
Miau..Mihau...Mihahu... [Bertsoa] / Inozentzio Olea
Miau..Mihau...Mihahu... [Bertsoa] / Inozentzio Olea
Stanza name:
Zortziko handia (hg) / Lau puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
[Egunkaria] Argitalpen data:
1970-05-03
Localization:
XDZ - Xenpelar Dokumentazio Zentroa
—1—
Oraindik orain aldizkari bat
eduki det eskuetan
ni orreako lagunen bear
bainaiz bolara auetan.
Liburu orrek murgildu nau
oso amets gozoetan:
Berari esker izandua naiz
atzo Zazpikatueta-n.
—2—
Ibar polit ta berezi bat da
gure Zazpikatueta;
gizon bat ere ez dago bertan,
baitago katuz beteta.
Ango iritzi-burruka eta
maixukerizko kasketa,
bear bezela miau egiten
guziak ez dakite ta.
—3—
Katutegiak ibaitxo bat du
sortaldetik sartaldera,
eta katuak banatu dira
alde bat eta bestera.
Zapi auzoko lurralde bat da
katutegi ori bera,
orregatikan dituzte ainbat
izkuntz edo miauera.
—4—
Katu gazteak minduak daude
banaketa txar onekiñ;
uraren bildur nola ditugun
errekarik pasa eziñ.
Alde bateko miau berdiña
bestera iritxi dediñ
zubi berri bat egin nai dute
«Hache»'zko zimentuekiñ.
—5—
Katu zaarrak bai omen dute
naiko miñ eta naigabe,
katakumien ustez ez ditu
oiek miauerak abe.
Katu gazteak bakarrik izan
jakinduriaren jabe,
miau egiten asi diranak
zaarrei ikasi gabe.
—6—
Katu gazteak asperturikan
katu zaar eta makiz
miauera bat moldatu dute
or-emengo arabakiz.
Nagusitzaren jabe egiñaz
artu duten erabakiz
oraiñ idazten asi zaizkigu
irakutzen ez dan izkiz.
—7—
Katu gazteen mutturrak sarri
dirudi gaztaiñ morkotsa,
naiko ikasi omen dute ta
ez dira iñoren lotsa;
eta errekan ito ez dediñ
beren miHauen abotsa
danen artean asmatu dute
otsikan ez duan otsa.
—8—
Batzuek miHau egiñ nai eta
beste askok berriz miau,
zoritxarrean katu-burrukak
orandik ere badirau.
MiHaHu egin dutenak ere
ez dira iru edo lau;
xagua errez arrapatzeko
martxa koxkorra degu au.
—9—
MiHau taldeko katakumeak
badira jakiñ dedanez
proba bezela miau egiñak
zaarrei amor emanez.
Katu guziak ulertzen eta
aitortu dira esanez:
«Teori asko degu guk baiña
esperientzirikan ez».
—10—
Utsaren baian burruka latza
orra Zazpikatuetan-,
askok federik ez dutelako
batzuen liburuetan.
Beren aldeko lanak besterik
artu nai ez eskuetan;
erreztasuna zer dan iñola
eziñ sartu buruetan.
—11—
Katakumeak katu zaarrik
gaillendu al du gaurdaño
naiz purrustaka ekiñ bibote
guziak zutitzeraño?
Gaur bezelako aukeratzerik
egiñ al da oraindaño?
Askok bakarra naiago nunbait
bi oso bikaiñak baño.
—12—
Batasun-lortze au izan arren
arazorik nekezena
miau batua maiteko dut nik
bada txukun ta zuzena.
Jarri guziok eltzeko eran
ta aal dan errezena,
adarretatik elduta ia
botatzen dugun zezena.
Miau..Mihau...Mihahu... [Bertsoa] / Inozentzio Olea
Stanza name:
Zortziko handia (hg) / Lau puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
[Egunkaria] Argitalpen data:
1970-05-03
Localization:
XDZ - Xenpelar Dokumentazio Zentroa
Ikusi dokumentuak:
| xdz5_btx_000425.jpg |