BDB Bertsolaritzaren datu-basea

Información general

Kategoria

Bat-batekoa

Actuación

2011-04-29 Zumaia Jaialdia

Conductor/a

Maia, Jon

Bertsolaris / Autores

Lizaso, Sebastian

Ejercicio

Bakarka gaia-emanda

Tema propuesto

Pertsonak bizitzan aldatzen goaz, onera edo txarrera. Urteak aurrera doaz, gure bizitza ere aldatzen doa, baina izango dira gauza batzuk, zutabe batzuk, ezaugarri batzuk, aurrerapen horietan goazela ere, aldatzen ez direnak gure baitan. Nola da zure kasua, Xebaxtian?

Descripción

Melodia

Mutil koxkor bat itsuaurreko

Nombre de la estrofa

Hamarreko handia (hg) / Bost puntuko handia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2011-04-29 Zumaia Jaialdia [Bertsoa] / Sebastian Lizaso

Nombre de la estrofa:  Hamarreko handia (hg) / Bost puntuko handia (ip) 
Localización:  XDZ - Xenpelar Dokumentazio Zentroa 

---

Jaio nintzela mende erdi bat
ta hiru urte igaro
ezin ukatu bizitza ere
aldatu dela zeharo
baina nik gauzak garbi neduzkan
bai orain baino lehenago
gaztetan nuen sentimentua
oraindik bizirik dago:
bertsoa beti maite izan dut
Sebastian baino gehiago. (bis)

Ezin ukatu urteen joanak
digutela erasten
ezin ukatu ez dela erreza
hainbat mudantza jasaten.
Agertu ere egin behar du
besteek jakin dezaten.
Nahiz erreza dan aho zabalik
lau haizetara esaten
nik beti segi egin nahi nuke
lagunen lagun izaten. (bis)

Ezin ukatu bizitza hontan
ibili behar da kontuz
egin behar dana ahal baldin bada
bi-hiru aldiz pentsatuz
ahal baldin bada nekez damutuz
aurrez egindako tratuz
aspaldin bada joandakoak
behar bezela oroituz
maite nautenak maitatuz eta
besteak errespetatuz. (bis)