BDB Bertsolaritzaren datu-basea

Información general

Kategoria

Bat-batekoa

Actuación

2011-09-10 Donostia Jaialdia

Conductor/a

Elizasu, Unai

Bertsolaris / Autores

Egaña, Andoni

Soto, Julio

Ejercicio

Binaka gaia-emanda

Tema propuesto

Orain dela sei urte, Andoni, Gorritira joan hintzen bertsotara, eta Julio bertsolari hasiberriaren etxera joan hintzen, gosaltzera. Eta Juliok, poz-pozik, bere etxea erakutsi zian, bere gelan sartu eta pareta guzietan hire argazkiak zeudean. Aurten joan haiz berriro ere, joan haiz Julioren etxera gosaltzera, sartu haiz bere gelan, eta ez zagok hire argazkirik.

Descripción

Melodia

Kantore berri xarmant batzuek

Nombre de la estrofa

Zortziko handia (hg) / Lau puntuko handia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2011-09-10 Donostia Jaialdia [Bertsoa] / Andoni Egaña, Julio Soto

Nombre de la estrofa:  Zortziko handia (hg) / Lau puntuko handia (ip) 
Localización:  XDZ - Xenpelar Dokumentazio Zentroa 

---

A. Egaña:
Orain sei urte hau ikusteko
izandu nuen aukera
orain falta da nere koadroa
falta da nere papera.
Horrexegatik ausartuko naiz
zorionak ematera:
bertsolaria izateaz gain
inteligentea zera. (bis)

J. Soto:
Gaztea nintzen inuxentea
bihurria ta okerra
zure posterrak kendu nituen
eta bukatu zen gerra.
Beste zeozer jarri nahi nuen
argazki eder-ederra
ta Corte Inglesen ez nun aurkitu
Xebaxtianen posterra. (bis)

A. Egaña:
Poster batzutan ez ezazula
egin horrenbeste gastu
Julio jadanik zu nor zera ta
bizitzarik ez narrastu!
Zuk egindako ibilpideak
batere akatsik ez du:
lehenengo dena imitatu ta
ondorenen dena ahaztu. (bis)

J. Soto:
Nik zazpi urte izango nitun
ta amaren ondoan lasai
ta esaten nion "Haunditu eta
amatxo ai ai ai ai ai!
Andoni Egaña izan nahi dut nik
baldin banaiz hortako gai"
ta orain bastante haundia naiz ta
ja ez dut Egaña izan nahi. (bis)

A. Egaña:
Horrexegatik esan dizut lehen
ez zerala hain torpia
baina uste det ez zaitugula
kaxkarra ta arlotia.
Poster pila hura ez dezu izango
zakarretara botia
ez naiz harritzen nere posterrak
aman gelan egotia. (bis)

J. Soto:
Ta ni zurekin bertsotan eta
gau luzeak igaroak
amak "Zeinekin? " nik "Egañakin"
beti arrazoi arraroak
beti berdina nola esaten
zioen nere ahoak
pareta baten posterrak dauzka
eta bestean dardoak. (bis)

A. Egaña:
Ume zinela esaten zendun
"Animo Andoni aupa!"
ta zure amak aitortzen zidan
zeundela zu trastornauta.
Jada ez zera orduko obseso
raro eta astronauta
ama zurekin harro dago ta
nere beharrik ez dauka. (bis)

J. Soto:
Bertsolarien izar haundina
bertsolari bat bikaina
orain serio jarri behar dut
beti ez dut lortzen baina
pertsona ona bihotz oneko
nahiz txorrotxa dun mingaina
bihotz-bihotzez aitortzen dizut
miresten zaitut Egaña. (bis)