Bertsos - Ver ficha Más información sobre esta sección
2013-09-29 Amasa-Villabona Txapelketa [Bertsoa] / Odei Barroso, Nerea Elustondo
| Bertsoa entzun |
2013-09-29 Amasa-Villabona Txapelketa [Bertsoa] / Odei Barroso, Nerea Elustondo
Nombre de la estrofa:
Hamarreko txikia (hg) / Bost puntuko txikia (ip)
Argitalpenaren izenburua:
[Liburua]
Localización:
XDZ - Xenpelar Dokumentazio Zentroa
O. Barroso:
Nahi honek handitzen dit
bihotzan taupada
nik baditut bi seme
bakarra alaba.
Aspaldian etxean
miserian gara
saldu nahiko nituzke
bitxi hoiek hara:
urrea alperrik da
ogirik ez bada.
N. Elustondo:
Krisiak familiai
eman dion kaña
nik´e sentitu det bai
ez zaitez engaina.
Hala´re zertan egin
holako hazaña?
Bitxiak bertan utzi
Odei alajaina
ta nik emango dizut
ogitako aina.
O. Barroso:
Hori egoki denik
aizu ez dut uste
okerrera baikoaz
urterikan urte
ez ezberdintzeraino
zeru eta lurpe.
Bitxiak ez saltzea
nahiago zenuke
baina lasai amonak
ulertuko luke.
N. Elustondo:
Bitxi-dendara joan
nahi zenduke aurrez
beste buelta bat eman
zaiozu mesedez.
Erabakia ez zazu
hartu horren errez
amonak ulertuko
luke hori berez
baina ez luke nahiko
eta nik ere ez.
O. Barroso:
Urrezkoa bitxia
urrezkoa luma
hoiei begira pasa
izan dut eguna.
Ez dakigunez zer den
bihar datorkiguna
bitan bana dezagun
Nerea laguna
ta zure parteakin
egin nahi duzuna.
N. Elustondo:
Hortan ez det ikusten
hainbeste problema
neronek erostea
agian onena
dirua´re eskeini
dezaket hurrena
bestela izango degu
munduan barrena
hileko jana eta
bizitzako pena.