Bertsos - Ver ficha Más información sobre esta sección
2013-09-29 Amasa-Villabona Txapelketa [Bertsoa] / Jon Martin
Bertsoa entzun |
2013-09-29 Amasa-Villabona Txapelketa [Bertsoa] / Jon Martin
Nombre de la estrofa:
Hamabiko handia (hg) / Sei puntuko handia (ip)
Argitalpenaren izenburua:
[Liburua]
Localización:
XDZ - Xenpelar Dokumentazio Zentroa
Goiko pisuan eztabaida bat
oihuz, karrasiz, intziriz.
Entzun nahi ez ta entzun beharra
tokatu nire belarriz.
Eskilaratan gora joan naiz
iristeko presa biziz
ta emaztea han atera da
lurra odol ttanttaz bustiz.
Bizilagunak jo egiten du
gaurkoan behin eta berriz.
Inork ikusi nahi ez lukeena
ikusi dut nire begiz. (bis)
Dirudienez gizarte hontan
zerbait egin dugu oker
basakeria zabaldu baita
munduan bazterrik bazter.
Ta pentsatu dut ertzainei deitu
behar niekeela laster
baina buruak hala esaten dit
“Ez, ez da gertatu ezer”
ta bapatean nere barruan
beldurrak egin al dit leher?
Deitu dezaket ta nere bila
etortzen bada gero zer? (bis)
Egia berez gauza ona da
ta nik ez dut ukatuko
baina batzutan egia batzuk
ez dira gure gustuko.
Apenas diren haiek ezagun
nahiz ta izan hain gertuko
nahi ez dudala bilakatu naiz
indarkerian lekuko.
Hiru-lau aldiz pentsatu arren
deitu egin dut ta punto
putakume horrek ez du berriro
beste inor ikutuko. (bis)