Bertsos - Ver ficha Más información sobre esta sección
2013-12-15 Barakaldo Txapelketa 11:00 [Bertsoa] / Unai Iturriaga
| Bertsoa entzun |
2013-12-15 Barakaldo Txapelketa 11:00 [Bertsoa] / Unai Iturriaga
Nombre de la estrofa:
Hamaseiko handia (hg) / Zortzi puntuko handia (ip)
Argitalpenaren izenburua:
[Liburua]
Localización:
XDZ - Xenpelar Dokumentazio Zentroa
Denok daukagu gogoan beti
joandakoa, iragana
ze zoriontsu bizi izan ginen
hainbeste urtetan barna
argazki zaharrek bideo zaharrek
badaukate bere xarma
justu gaur egun bihurtu dira
hoiek nire aurkako arma
ta ez genuen guk alperrik jo
abokatu batzungana
erdigunea zegon tokian
orain dago erdi bana.
Beste aldean ikusten nauzu
barkatu seme laztana
alde hau edo bestea izan
nundik ikusi da dana.
Orain diote utzi nuela
ardura eta etxea
ez zan erreza lanetik bueltan
gurera ailegatzea.
Denean urak hasi badira
alper-alperrik partxea
eta amana ta nirea zen
gaitza lartxo luzatzea.
Ez nuen uste ta ez nuen gura
ez zu ez ama mintzea
ta ez zan noski nire asmoa
jolasean ibiltzea.
Nik ulertzen dut amak ni orain
deabru lez ipintzea
baina ez da inoiz delitu izan
berriro maitemintzea.
Uler dezaket ze amorruak
beti odola diraki
ta amorruak erresumina
izaten du bere jaki.
Amak horrela erabaki du
zer egiten dun badaki
baina zu erdian jarri izana
hori iruditzen zait gaizki.
Baina kontua luzeegi doa
ta ebatziko da aurki
epaile batek ai arrotz batek
beharko du erabaki.
Aldea non den hemen edo han
erdian marra ebaki
baina jakizu nire aldea
zure aldean dago beti.