Bertsos - Ver ficha Más información sobre esta sección
2013-04-11 Donostia Berezia [Bertsoa] / Andoni Egaña, Maialen Lujanbio
| Bertsoa entzun |
2013-04-11 Donostia Berezia [Bertsoa] / Andoni Egaña, Maialen Lujanbio
Nombre de la estrofa:
Hamarreko txikia (hg) / Bost puntuko txikia (ip)
Localización:
XDZ - Xenpelar Dokumentazio Zentroa
A. Egaña
Hara Jorge Oteizak
ze indar ze kemen!
Irudigintza utzi
nahi dula nabarmen.
Bertsotan segiko det
aitortzen det hemen
eta zure aurrean
gainera Maialen
bertsotan segiko det
aitortzen det hemen
nere bertso onena
aurkitu baino lehen.
M. Lujanbio
Hori esan duena
pentsa Andoni da!
Besteok ere gabiltz
beraren harira
nahiz iritsi nahi dugun
gure obra haundira
kantuan segi behar
tira eta tira
nahiz iritsi nahi dugun
gure obra haundira
gure bertso guztiak
bozetoak dira.
A. Egaña
Bapatekotasuna
nolako altxorra!
Perfekziorik eza
ez al da gogorra?
Nik segi egin nahi det
aitortzen det horra
nahiz jadanik indarrik
ez daukadan sobra
nik segi egin nahi det
aitortzen det horra
ia noiz suertatzen den
bozeto bat obra.
M. Lujanbio
Estetika kontuan
badaukagu senik
ezin baztertu aditz
ez eta izenik
zer hobetua asko
daukagu maizenik
nahiz izan bide oker
ta bide zuzenik
zer hobetua asko
daukagu maizenik
ez det uste inora
iritsi naizenik.
A. Egaña
Bertso bat ez da ekartzen
perfekto patrikan
bapatekotasunaz
beti ika-mikan
ez dedila gertatu
bilatze faltikan
aurkitzeko bilatu
behar da praktikan
ez dadila gertatu
bilatze faltikan
ez dedala aurkituko
jakinagatikan.
M. Lujanbio
Nahiz ta akaso izan
zerbait kategori
beti nahi degu hobetu
nahiz sarri erori.
Gaur ere nahiz ta bota
bertso on bat edo bi
ta nahiz beste guziak
joan diren ongi
gaur ere nahiz ta bota
bertso on bat edo bi
etxera daramagu
arantzatxo hori.