Bertsos - Ver ficha Más información sobre esta sección
2014-12-07 Zornotza Txapelketa [Bertsoa] / Jone Uria Albizuri
| Bertsoa entzun |
2014-12-07 Zornotza Txapelketa [Bertsoa] / Jone Uria Albizuri
Localización:
XDZ - Xenpelar Dokumentazio Zentroa
Ez da makala niri orduan
gertatutako kondena
ta gainditzeko nola ez izan
mila arazo, problema.
Esan zidaten “Terapiara
joatea duzu onena.”
Holakoetan martxan horrela
jartzen omen da sistema.
Hemen egon naiz egunez egun
hilabeteetan barrena.
Egunez egun dena pasa da
gaur iritsi da azkena.
Baina oraindik kalean dago
ni bortxatu ninduena.
Egoera hauek tamalez dute
gizarte hontan tokia
nahiz ta amestu gizarte hobe bat
guziontzat egokia.
Frogarik eza izan da nire
kasu hontan aitzakia.
Errekurtsoa jarrita berriz
da kasua irekia.
Oraindik daukat barrua minez
ta erditik ebakia.
Epaile batek hartzen duenean
epaitzeko erabakia
egun horretan bukatuko da
behingoz nire terapia.