Bertsos - Ver ficha Más información sobre esta sección
2001-12-16 Donostia Txapelketa 11:00 [Bertsoa] / Igor Elortza, Unai Iturriaga
2001-12-16 Donostia Txapelketa 11:00 [Bertsoa] / Igor Elortza, Unai Iturriaga
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
I. Elortza:
Hasera baten atxiloketa
ez da izan dotorea,
baina polizi etxera heldu
ta hau da gero ohorea!
Sarri askotan zu probatua
zara gurean ohea,
ta orain berriz hemen gaudenez
proba dezagun zurea.
Iturriaga:
Hemen ez dago oherik, neska,
eta horixe da dena;
zuk delitu bat egin duzu ta
hori da duzun problema;
zuk norbaitekin nahastu nauzu,
ni seguru nago nena,
badut lehengusu sarjentu soil bat
nire antza handia duena.
I. Elortza:
Parkatu baina aurpegi hori
dut nik oso ezaguna;
bestek igoal bai, ez dut sinisten
nik esan berri duzuna.
Lotu nazazu ta gogorretik
hartu nazazu laguna,
badakit sadomasokismoa
dela gustatzen zaizuna.
Iturriaga:
Egia da bai gustokoa dut
kolpetara jolastea,
baina hortarako erabiltzen dut
hemengo jente gaztea.
Kostatu zaizu nire aurpegia
hori ez dela sinestea!
Aizu, neskato, ez dezu nahiko
arrautzak erakustea?
I. Elortza:
Arren hurrengo proposamenai
ez eiozu egin uko,
neri berdin zait menpeko denak
baldin badira lekuko.
Baina goazen behingoz ziegara
berandu egin orduko,
gaurkoagatik askatasuna
baino ez dizut kobratuko.
Iturriaga:
Mila alditan esplikatua,
baina honekin alperrik;
honi ez zaiola sinistu behar
ez dago esan beharrik.
Benga sarjento, sartu Basaurin
nahiz ez dun egin deus txarrik,
eta atera zazue nire
egun libreetan bakarrik.