Bertsos - Ver ficha   Más información sobre esta sección

2001-12-16 Donostia Txapelketa 11:00 [Bertsoa] / Sustrai Colina

Información general

Kategoria
Bat-batekoa
Actuación Periódica (Saioarena)
Bertsolari Txapelketa Nagusia (13. 2001)
Actuación
2001-12-16 Donostia Txapelketa 11:00
Gai-emailea
Jauregi, Saroi
Bertsolaris / Autores
Colina, Sustrai
Ejercicio
Bakarka gaia-emanda
Tema propuesto
Kale-garbitzailea zara. Zure lana amaitu eta atseden hartzeko bankuan eseri zara. Ordu erdiz egon zara jendeak kalea berriro nola zikintzen duen begira. Hiru bertso, nahi duzun neurri eta doinuan

Descripción

Melodia
Leiho ertzetik entzun dezaket
Nombre de la estrofa
Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Bertso kopurua
3

Localización

Localización
XDZ - Xenpelar Dokumentazio Zentroa
Colección / Fondo / Proyecto
Txapelketetako Bilduma

2001-12-16 Donostia Txapelketa 11:00 [Bertsoa] / Sustrai Colina

Nombre de la estrofa:  Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip) 
Localización:  XDZ - Xenpelar Dokumentazio Zentroa 


Hiru t'erditan jeiki naiz eta
egina dut lan itzela;
orain artean pensatu nuen
egoki ari nintzela,
baina jendea hor ikusten dut
ta ez naiz harritzen bela:
lehenbizi bota papela,
edo kolilla bestela. (bis)
Hementxe nago arras etsita,
barrena goibel-goibela,
sarri askotan pentsatzen baitut
alperrik ari naizela. (bis)

Nahiz ta garbitzen jarri ditudan
nere indar ta kemenak,
zuek horrela ikusi eta
akabo itxaropenak!
Beztu egin zait kopeta eta
nahastu zaizkit barrenak,
zikintzailearen senak
baitakartza nere penak. (bis)
Zuei begira, zuei begira
etortzen dira problemak,
hanka bikoak zaretelako
zaborrikan haundienak. (bis)

Zaborra biltzen, kale garbitzen
pasa horrenbeste urte;
pasadizoak, pasatakoak
denak esango nituzke.
Gizabanako gehientsuenek
errespetorik ez dute;
dugula nahiko bertute
entzun nahi genuke guk'e. (bis)
Alper-alperrik ari naizela,
orain nik hori dut uste;
zuen kalea zuena da-ta
zuek garbitu zazute. (bis)