Bertsos - Ver ficha   Más información sobre esta sección

2006-06-17 Arrasate [Bertsoa] / Unai Iturriaga, Jokin Labayen

Bertsoa entzun  

Información general

Kategoria
Bat-batekoa
Actuación
2006-06-17 Arrasate
Gai-emailea
Altuna, Lierni
Bertsolaris / Autores
Iturriaga, Unai
Labayen, Jokin
Ejercicio
Binaka gaia-emanda
Tema propuesto
Zuek operatu berri zareten bi transexual zarete. Gaur taberna bateko komunetan egin duzue topo. Biok ez dakizue zein komunetan sartu.

Descripción

Melodia
Haize hegoak hurbiltzen ditu
Nombre de la estrofa
Zortziko handia (hg) / Lau puntuko handia (ip)

Localización

Localización
XDZ - Xenpelar Dokumentazio Zentroa
Colección / Fondo / Proyecto
Bapatean Bilduma

2006-06-17 Arrasate [Bertsoa] / Unai Iturriaga, Jokin Labayen

Nombre de la estrofa:  Zortziko handia (hg) / Lau puntuko handia (ip) 
Localización:  XDZ - Xenpelar Dokumentazio Zentroa 


U. Iturriaga: Behingo batean iritsi zaigu
desio gendun eguna.
Orain aukera egin behar ta
gure garunen run-runa;
zuk hartu zazu mutilena ta
nik berriz nesken komuna
zuk iragana ikus dezazun
eta nik etorkizuna. (bis)

J. Labayen: Baina atzean utzi nahi nuke
lagun iragan horrena;
damutzen hasi da kontzientzia
baina ez zaitez izan pelma;
hemen aldarri egin behar da
geure eskubideena
jarriz komunak neska, mutila
eta transexualena. (bis)

U. Iturriaga: Neu nabil gaizki edo bestela
zerbait oker dabil hemen.
Aizu Julene garai batean
biok gizonezko ginen
ta gona bako pertsona baten
irudia hor WCen
baina zu ez zaude oso seguru
zertako operatu zaren. (bis)

J. Labayen: Ni operatu egin nintzen bai
dakit gogoa nuela
ta gaur zalantzan egon beharra
ez al da gauza krudela?
Ezin da ibili komun batean
duda ta muda horrela;
kantoi batean egin dezagun
garai batean bezela! (bis)

U. Iturriaga: Zuri neurona guztiak kolpez
funditu zaizkizu chica;
atea behingoz zabaldu zaigu
lehen zegoena itxita.
Txisa egiteko egin badugu
eztabaida eta zita
barkatu baina txisa txisa da
zutunik edo jarrita. (bis)

J. Labayen: Bota didazun arrazoi hori
filosofia da aizu
eta gainera onartuko dut
ez du egiten enbarazu.
Barrura noa txisa egitera
egin behar dizut kasu
baina bakarrik ez dut sartu nahi
lagunduko al didazu? (bis)