Bertsos - Ver ficha Más información sobre esta sección
2005-09-13 Bermeo Jaialdia [Bertsoa] / Unai Iturriaga
| Bertsoa entzun |
2005-09-13 Bermeo Jaialdia [Bertsoa] / Unai Iturriaga
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
Ehun urte dira hor zabizela
hemen ezin zan bizi-ta
zure kondena zure zuloa
bihurtu jatzun Gernika.
"Goiz eder hontan hil behar nabe"
itxi zendun idatzita
ta gaba zenbat luzatu jatzun
gerokoak ikusita.
Borrokatzea ta bizitzea
gura zenduna Euskadin;
kazetari lez prestua eta
olerkari lez berba arin.
Konbentu baten erail zintuen
ta zure bihotzak ze min!:
hainbeste maite zendun Jainkoak
ez eban eze be egin.
Ta orain dator dana omenaldi
dana lora, dana ospe...
Zu segurasko zabiz ondino
Lorcagaz zitaren eske.
Baina hemen dana haunditzen dabe
hiltzen bada norbait gazte;
zure antiojuak oroitzen dira
poemak ez horrenbeste.