Bertsos - Ver ficha Más información sobre esta sección
2005-08-07 Larraul Jaialdia [Bertsoa] / Joxe Agirre, Jon Maia
Bertsoa entzun |
2005-08-07 Larraul Jaialdia [Bertsoa] / Joxe Agirre, Jon Maia
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
J. Agirre:
Nere ustetan aukera dezu
hain bide okerrekua.
Sinistu zazu zuri begira
egon dala hurrekua;
kalekumea baserrirako
guztia beharrekua
zu atxurrean ez zera jartzen
itxura ederrekua!
J. Maia:
Egia da bai ni ez naizela
baserritar peto-peto;
orain zu hemen zaudenez gero
moldatuko naiz hobeto.
Terreno hontan galderatxo bat
badet zuri esateko:
ze hazi mota sartu behar da
entsaladak irtetzeko?
J. Agirre:
Beharbada hemen aldatu leike
zeuk nahi dezun klasekua
zerbait gertatu baleike ere
besterikan ezekua;
tomateantzat ere hau ez da
malkarra eta sekua
baina hala ere ez da egingo
zu hainbeste luzekua.
J. Maia:
Nahiko luzea naizenez gero
hala dut erabakia:
badaukadala arbol batzuek
landatzeko aitzakia
baina ez dakit nundikan hasi
non dago nere tokia?
Jakin nahi nuke zer arboletik
irtetzen dan odolkia.
J. Agirre:
Odolkitako arbolarikan
nik sekula ez dut entzun;
pentsatzen nuen kaletar honek
zer molde edukiko zun.
Zeuk ez dakizu ikusi eta
zer pena ematen didazun!
Inork laguntzen ez ba'izu ia
goseak hil behar dezun!
J. Maia:
Goseak hiltzen hasi behar badet
alda dezadan pausua;
inolaz ere ez da argitzen
baratz hontako kasua.
Hortxe patata pixkat sartu det
ta onduan txorixua...
bi egunetan ia irtetzen dan
plater bat goxo-goxua.
J. Agirre:
Beraz txorixua izan al leike
hor lurpetikan ertena?
Pentsamentu hoiek ditun gizonak
neri ematen dit pena.
Esango dizut nere ustetan
egin behar zendukeena:
golperik iten ez baldin ba'zu
irabaziko'zu gehiena.
J. Maia:
Aholku ona eman didazu
jarraituko det jokoa
baserritarren jakinduria
ez baita nolanahikoa
ta gonbidatu egin nahi zaitut
ez zera nola-halakoa:
oilaskotxo bat daukat gordea
atzo erositakoa.